ՔՊ-ի հեղինակած Հայաստանի դեմ ահաբեկչության մասին հայտարարությունն ԱԺ-ն ընդունեց 57 կողմ ձայնով (տեսանյութ)

Ազգային ժողովը հայտարարություն է ընդունել 57 կողմ ձայնով (մասնակցել է միայն ՔՊ խմբակցությունը)։
 
«ԱԺ-ն խստորեն դատապարտում է ՀՀ ինքնիշխանության, սահմանադրական կարգի և օրինական իշխանությունների դեմ նախապատրաստված ահաբեկչության փորձը, որը բացահայտվեց  իրավապահ մարմինների կողմից 2025թ. հունիսին:

 Բոլոր քաղաքական ուժերն ու կազմակերպությունները, որոնք
ՀՀ-ում ծավալում են քաղաքական
գործունեություն, պետք է աներկբայորեն դատապարտեն այս ահաբեկչության փորձը և երկրում ռազմական հեղաշրջման կամ որևէ այլ բռնի եղանակով սահմանադրական կարգի տապալման բոլոր կոչերը: 

 Անընդունելի ենք համարում Հայաստանում սահմանադրական կարգի տապալման և ՀՀ-ի դեմ վարվող հիբրիդային հարձակումներում Հայաստանյայց Առաքելական Սուրբ Եկեղեցու ներգրավման փորձերը։ Վեհարանը պետք է ազատվի եկեղեցական հոգևոր մթնոլորտը խաթարողանձանցից, իսկ Եկեղեցին պետք է վերադառնա իր բուն առաքելությանը՝ հավատացյալների հոգևոր կարիքների սպասարկմանը»,- ասվում է հայտարարությունում։