ԱՄՆ նախագահի հատուկ դեսպանորդը կհանդիպի Իրանի ԱԳ նախարարի հետ. Axios

ԱՄՆ նախագահ Դոնալդ Թրամփի հատուկ դեսպանորդ Սթիվեն Ուիթկոֆը նախատեսում է հաջորդ շաբաթ Նորվեգիայի մայրաքաղաք Օսլոյում հանդիպել Իրանի արտգործնախարար Աբբաս Արաղչիի հետ՝ Թեհրանի միջուկային ծրագրի շուրջ բանակցությունները վերսկսելու համար, հաղորդում է Axios-ը՝ հղում անելով աղբյուրներին։

Հանդիպման վերջնական ամսաթիվ դեռևս նշանակված չէ։ Սպիտակ տան խոսնակը պորտալին ասել է, որ այս պահին «ճանապարհորդության մասին տեղեկություններ» չկան։

Աղբյուրները նաև հայտնել են, որ Ուիթքոֆը և Արաղչին «պահպանել են անմիջական կապ»՝ Իսրայելի և Իրանի միջև 12-օրյա զինված հակամարտության ընթացքում և դրանից հետո։