Ադրբեջանը կարող է կտրուկ կորցնել ռուս զբոսաշրջիկներին՝ քաղաքական լարվածության ֆոնին

Ռուսական զբոսաշրջային արդյունաբերության միության (ՌՍՏ) փոխնախագահ Գեորգի Մոխովը նախազգուշացրել է, որ Ադրբեջանը կարող է լրջորեն տուժել ռուս զբոսաշրջիկների հոսքի կրճատումից։ Նրա խոսքով՝ վերջին քաղաքական լարվածության ֆոնին տուրօպերատորներն ու գործակալությունները արդեն սկսել են դիմել ավիաընկերություններին՝ գումարների վերադարձի պահանջով։

Որոշ զբոսաշրջային ընկերությունների տվյալներով՝ ընդամենը երկու օրում պահանջարկը դեպի Ադրբեջան ընկել է 40 տոկոսով։

Սա կարող է լուրջ հարված հասցնել Ադրբեջանի զբոսաշրջային տնտեսությանը՝ հատկապես ամառային սեզոնի սկզբում, երբ ռուս այցելուները կազմում էին հանգստացողների զգալի մասը։