Հոգեբուժարանի տնօրենը ձերբակալվել է. նա մեկ շաբաթ առաջ էր նշանակվել

«Հրապարակ»-ին հայտնի դարձավ, որ կոռուպցիոն բնույթի քրեական վարույթի շրջանակներում այսօր ձերբակալվել են ԱՆ Հոգեկան առողջության պահպանման ազգային կենտրոնի տնօրենի ժամանակավոր պաշտոնակատար Մհեր Ուստյանը և տնօրենի տեղակալ Արմեն Հակոբյանը: Պաշտոնյաներին հակակոռուպցիոն կոմիտեն բերման է ենթարկել այսօր առավոտյան: Հակակոռուպցիոն կոմիտեից ձերբակալության լուրը հաստատեցին: Մենք նաև տեղեկացանք, որ այս պահին ընթանում է խափանման միջոցի վերաբերյալ դատական նիստը:  Մեր տեղեկություններով՝ Մհեր Ուստյանը կառույցի տնօրենի Ժ/պ է նշանակվել մոտ մեկ շաբաթ առաջ: Թե ինչ է հասցրել անել այս մեկ շաբաթվա ընթացքում, հայտնի չէ: