Վիճաբանությունը Ուկրաինայի ռադայում վերածվել է ծեծկռտուքի

Ուկրաինայի Գերագույն ռադայում տեղի է ունեցել ծեծկռտուք՝ Վլադիմիր Զելենսկու «Ժողովրդի ծառա» կուսակցության և նախկին նախագահ Պետրո Պորոշենկոյի թիմակիցների միջև։ Տարաձայնությունն առաջացել է վարչապետի հրաժարականի ֆոնին։

Մասնավորապես, պատգամավորներ Դանիիլ Գետմանցևը և Ալեքսեյ Գոնչարենկոն վիճաբանել են և փոխադարձ վիրավորանքներից անցել են ֆիզիկական բախման՝ Ռադայի ամբիոնի մոտ։

Միջադեպի տեսանյութը տարածել է «Страна.ua»-ի Telegram ալիքը, որտեղ երևում է, թե ինչպես է զայրույթը դուրս գալիս վերահսկողությունից՝ վերածվելով բացահայտ ֆիզիկական հաշվեհարդարի։