ԱՄՆ ատոմային սուզանավը, որը բախվել էր ստորջրյա լեռան, շարք կվերադառնա 2026-ին

Ամերիկյան «Connecticut» ատոմային սուզանավը, որը 2021-ին բախվել էր ստորջրյա լեռան Հարավ-Չինական ծովում, ներկայում վերանորոգվում է և կվերադառնա ծառայության մինչև 2026 թվականի վերջ։ Այդ մասին հայտնել է TWZ պարբերականը՝ վկայակոչելով վերանորոգման տվյալները։

Սուզանավը գտնվում է Վաշինգտոն նահանգի «Պյուջեթ Սաունդ» ռազմածովային նավաշինարանի չոր նավատոմում, որտեղ անցնում է լիարժեք վերանորոգում։ Մայիսին հրապարակված զեկույցում նշվում էր, որ բախման արդյունքում խափանվել էր AN/BQQ-10 հիդրոակուստիկ համակարգը։

Միջադեպը տեղի էր ունեցել 2021 թվականի հոկտեմբերին՝ Հարավ-Չինական ծովի մի հատվածում, որը շրջապատված է Հայնան կղզով, Պարասելյան կղզիներով և Բաշիի նեղուցով։ Միջադեպն ընդգծեց նավարկության ռիսկերը այդ լարված տարածաշրջանում։