Դաղստանում MMA-ի ռուս մենամարտիկի վրա հարձակման պատճառը դարձել է պարտքը

Դաղստանի իրավապահները պարզել են MMA-ի ռուս մարզիկ Տիմուր Խիզրիևի վրա հարձակման պատճառը։ ՏԱՍՍ-ի փոխանցմամբ՝ միջադեպը տեղի է ունեցել մեքենայի հետ կապված ֆինանսական վեճի պատճառով։ Խիզրիևը գնել էր ավտոմեքենա 30-ամյա ծանոթից, սակայն վճարումը ձգձգվել էր, ինչն էլ հանգեցրել է հակամարտության։

Հուլիսի 15-ի ուշ երեկոյան Մախաչկալայում՝ Դանիալովի փողոցում, դիմակավորված անձինք մոտեցել են Խիզրիևին, երբ նա դուրս էր եկել իր մեքենայից, և կրակ բացել նրա վրա տրավմատիկ ատրճանակից։ Ըստ նախնական տվյալների՝ հնչել է մոտ տասը կրակոց։

Իրավապահները արդեն հարուցել են քրեական գործ։ Նախորդ փորձերը՝ վեճը խաղաղ լուծելու, անհաջող են եղել։ Մարզիկի վիճակի մասին մանրամասներ չեն հաղորդվում։