ԱՄՆ-ն դիտարկում է Ռուսաստանի դեմ նոր պատժամիջոցների հնարավոր բացասական հետևանքները. Պետդեպ

ԱՄՆ-ն հաշվի է առել Ռուսաստանի և նրա առևտրային գործընկերների դեմ նոր պատժամիջոցների հնարավոր կիրառման բոլոր բացասական հետևանքները, այդ թվում՝ այնպիսիք, որոնք կարող են վնասել հենց ԱՄՆ շահերին։ Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը, հաղորդում է ՏԱՍՍ-ը։

Նա հավելել է, որ ԱՄՆ նախագահ Դոնալդ Թրամփը ինքնաբուխ որոշումներ չի կայացնում, և նման հետևանքները, այդ թվում՝ Վաշինգտոնի շահերին հակասող, ակնհայտորեն հաշվի են առնվել հենց սկզբից։

Բրյուսը հաստատել է ԱՄՆ կառավարության հանձնառությունը Ռուսաստանի դեմ պատժամիջոցների ռեժիմը խստացնելու հարցում։ Նա ասել է, որ պատժամիջոցների, այդ թվում՝ երկրորդական պատժամիջոցների հարցը պարբերաբար քննարկվել է, քանի որ որոշակի երկրներ օգուտ են քաղում ռուսական նավթ գնելուց։ Սակայն, ըստ նրա, որոշումների կայացումը մնում է նախագահի իրավասությանը։

Բրյուսը նաև խոսել է Թրամփի կողմից ուկրաինական ճգնաժամի հարցում «համբերատարության» մասին։ Նա ընդգծել է, որ ԱՄՆ նախագահը հստակորեն ապացուցել է իր մտադրությունների լրջությունը՝ ձգտելով խնդիրները լուծել հիմնականում դիվանագիտական ճանապարհով։