Թրամփը ուկրաինացի փախստականներին թույլ կտա մնալ ԱՄՆ-ում

ԱՄՆ նախագահ Դոնալդ Թրամփը հայտարարել է, որ մտադիր է թույլ տալ ԱՄՆ ժամանած Ուկրաինայի քաղաքացիներին մնալ երկրում մինչև ռուս-ուկրաինական պատերազմի ավարտը: Այս մասին հայտնել է Սպիտակ տան մամուլի ծառայությունը։

Պատասխանելով լրագրողների այն հարցին, թե արդյոք ուկրաինացիներին ապաստան կտրամադրվի, ամերիկացի առաջնորդն ասել է. «Այո: Ես հավատում եմ, որ մենք դա կանենք»:

Քաղաքական գործչի խոսքով՝ շատ ուկրաինացի քաղաքացիներ են մեկնում Միացյալ Նահանգներ, և ամերիկյան իշխանությունները «աշխատում են նրանց հետ»: