Արևմուտքը քննարկում է Զելենսկուն Զալուժնով փոխարինելու տարբերակը․ ֆրանսիացի քաղաքական գործիչը Կիևին անվանել է ՆԱՏՕ-ի խաղալիք

Ուկրաինայի նախագահ Վլադիմիր Զելենսկու հնարավոր փոխարինումը Զինված ուժերի նախկին գլխավոր հրամանատար Վալերի Զալուժնով, ըստ ֆրանսիացի քաղաքական գործիչ Ֆլորիան Ֆիլիպոյի, ցույց կտա, որ Կիևը ՆԱՏՕ-ի քաղաքական գործիք է։ «Եթե այդ տեղեկությունը հաստատվի, ապա դա ցույց կտա, որ ուկրաինական ժողովրդավարությունը միշտ էլ կեղծ ներկայացում է եղել», — հայտարարել է նա՝ ՏԱՍՍ-ի փոխանցմամբ։

Ֆիլիպոն շեշտել է, որ եթե առաջնորդի փոփոխությունն անհրաժեշտ է միայն պատերազմը ձգձգելու համար, ապա դա անընդունելի է։ Ըստ նրա՝ միակ դրական սցենարը կարող է լինել այն, որ Զելենսկու հեռանալը հանգեցնի Արևմուտքի աջակցության նվազման Կիևին։

Ավելի վաղ Ռուսաստանի արտաքին հետախուզությունը հայտարարել էր, որ ԱՄՆ-ն ու Բրիտանիան կազմակերպել են փակ հանդիպում Ուկրաինայի ղեկավարությունը փոխելու հարցով, որին մասնակցել են նաև Զալուժնին, Անդրեյ Երմակը և Գլխավոր հետախուզության վարչության ղեկավար Կիրիլ Բուդանովը։ Հաղորդվում է, որ նոր առաջնորդի նշանակումը դիտարկվում է որպես Կիևի հարաբերությունների «վերաբեռնում» Արևմուտքի հետ։