Թմրավաճառը շնորհակալ է դատարանին և ուրախ՝ բանտային պատժի համար

Մեծ Բրիտանիայում թմրանյութեր վաճառած Ջեք Հարիսոնը զարմացրել է բոլորին դատարանում՝ ոչ միայն խոստովանելով իր մեղքը, այլև՝ ողջունելով իր բանտարկությունը։ Ինչպես հայտնում է Daily Star-ը, 30-ամյա տղամարդը, երկու երեխաների հայր, դատապարտվել է երեք տարի և ինը ամիս ազատազրկման՝ Դարեմի շրջանում կոկաինի պահման և տարածման համար։

Հարիսոնի տանը ոստիկանությունը հայտնաբերել է կոկաին՝ արժողությամբ շուրջ 5 հազար ֆունտ, կշռման ու փաթեթավորման սարքավորումներ, Rolex ժամացույց, թանկարժեք ավտոմեքենայի բանալիներ և դանակ։ Դատարանում նա բացատրել է, որ ֆինանսական ճնշման տակ հայտնվել է միկրովարկային պարտքերի մեջ և ստիպված համաձայնել է թմրանյութ վաճառել՝ ապօրինի առաջարկ ստանալով անհայտ անձից։

«Ես ամաչում եմ արածիս համար։ Ես կորցրել էի որպես ամուսին ու հայր վստահելի լինելու իմ արժանիքը։ Այս ամենը վնասեց իմ ընտանիքին, իսկ հանցավոր աշխարհը ինձ օտար էր՝ այնտեղ ինձ մշտապես սպառնում էին», — ասել է նա։

Հաշվի առնելով նախկինում դատված չլինելու հանգամանքը և իրական զղջումը՝ դատարանը մեղմացրել է պատիժը՝ չորս տարվա փոխարեն նշանակելով երեք տարի և ինը ամիս բանտարկություն։