«Ավելի բարձր է, քան բռնությամբ հայտնի վայրերում». Թրամփը գնահատել է Վաշինգտոնում հանցագործության մակարդակը

ԱՄՆ նախագահ Դոնալդ Թրամփն իր Truth Social սոցիալական ցանցում գրել է, որ Վաշինգտոնում հանցագործության մակարդակն ավելի բարձր է, «քան բռնությամբ հայտնի վայրերում, ինչպիսիք են Մեխիկոն, Բոգոտան, Իսլամաբադը և Ադիս Աբեբան»։

Քաղաքական գործիչը, հղում անելով պաշտոնական վիճակագրությանը, պնդում է, որ Կոլումբիայի շրջանում, որտեղ գտնվում է քաղաքը, կյանքից անօրինական զրկանքով հանցագործությունների թիվը կրկնապատկվել է 10 տարվա ընթացքում։ «Եվ իրական իրավիճակը պետք է բազմաթիվ անգամներ ավելի վատ լինի», -կարծում է Թրամփը։

«Զինվորականները և մեր հիանալի ոստիկանությունը կազատագրեն այս քաղաքը, կմաքրեն այն կեղտից և կդարձնեն այն կրկին անվտանգ, մաքուր, բնակելի և գեղեցիկ», - խոստացել է պետության ղեկավարը։