Պուտինն ինձ իր հետ Ռուսաստան կտանի. Սենատոր Գրեհեմը «վախեցել է» մեկնել Ռուսաստան-ԱՄՆ գագաթնաժողովին
ԱՄՆ
Հանրապետական սենատոր Լինդսի Գրեհեմը Քենեդիի կենտրոնից դուրս գալիս լրագրողներին ասել է, որ չի մասնակցելու ԱՄՆ-ի և Ռուսաստանի նախագահների հանդիպմանը Ալյասկայում: Այս մասին X սոցիալական ցանցում հայտնել է Business Insider-ի առաջատար քաղաքական լրագրող Բրայան Մետցգերը։
«Ես կվախենայի, որ Պուտինը ինձ իր հետ Ռուսաստան կտանի», - ասել է սենատորը։
Գրեհեմը Ռուսաստանի դեմ պատժամիջոցների մասին օրինագծի հեղինակն է, որը ենթադրում է 500% մաքսատուրքերի սահմանում ռուսական նավթ գնող երկրների վրա: Հուլիսին սենատորը Fox News-ի եթերում ասել է, որ եթե Ուկրաինայում իրավիճակի կարգավորման գործում առաջընթաց չգրանցվի Դոնալդ Թրամփի կողմից սահմանված ժամկետում, ԱՄՆ նախագահը մաքսատուրքեր կսահմանի ռուսական նավթի սպառողների վրա: Ամերիկացի առաջնորդը հուլիսի 14-ին 50-օրյա վերջնագիր է ներկայացրել։
Բացի այդ, Գրեհեմը պնդել է, որ ԱՄՆ ֆինանսների նախարար Սքոթ Բեսենթը ցանկանում է բռնագրավել սառեցված ռուսական ակտիվները, մինչդեռ Եվրոպան Կիևին ֆինանսական օգնություն է տրամադրում միայն այդ ակտիվների տոկոսների տեսքով: Նրա խոսքով՝ Միացյալ Նահանգները նաև մտադիր է Եվրոպային վաճառել մեծ քանակությամբ զենք, որպեսզի ՆԱՏՕ-ի և ԵՄ երկրները կարողանան համալրել իրենց զինանոցները կամ դրանք փոխանցել Ուկրաինային՝ որպես ռազմական աջակցություն:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
