Թրամփը՝ Պուտինի հետ համատեղ մամուլի ասուլիսի մասին

ԱՄՆ նախագահ Դոնալդ Թրամփը Fox News Radio-ին տված հարցազրույցում հայտարարել է, որ լավ կլիներ Պուտինի հետ անցկացնել համատեղ մամուլի ասուլիս։ Նրա խոսքով՝ այդ հարցը դեռ չի քննարկվել, սակայն ինքը կցանկանար, որ նախ անցկացվի համատեղ, ապա առանձին ասուլիսներ։

Թրամփը հավելել է, որ եթե հանդիպումը որևէ դրական արդյունք չտա, ապա ինքը պարզապես կանցկացնի մամուլի ասուլիս և կվերադառնա Վաշինգտոն։ Միաժամանակ, նա նշել է, որ վստահ չէ՝ կստացվի արդյոք հրադադարի հասնել Պուտինի հետ բանակցություններից հետո։ Թրամփի գնահատմամբ, Ուկրաինայի հակամարտության կարգավորման շուրջ հանդիպման անհաջողության հավանականությունը 25 տոկոս է։

Պուտինն ու Թրամփը կհանդիպեն օգոստոսի 15-ին Ալյասկայում՝ քննարկելու Ուկրաինայի հակամարտության կարգավորման տարբերակները։