S7-ին պարտավորեցրել են վճարել 55 հազար ռուբլի ուղևորի կորսված բեռի համար

Ռուսական S7 ավիաընկերությունը պարտավորվել է 55 հազար ռուբլի փոխհատուցում վճարել ուղևոր Վ․Վ․ Պիգունովին՝ նրա ուղեբեռը կորցնելու համար։ TourDom-ի տեղեկացմամբ, դեպքը տեղի է ունեցել 2024 թվականի հոկտեմբերի 12-ին, երբ Պիգունովը չվերթից հետո չի ստացել իր ճամպրուկը, որի համար տոմսով և բեռնավճարով միասին վճարել էր մոտ 19 հազար ռուբլի։

Սկզբում դատարանը բավարարել էր ուղևորի պահանջը՝ սահմանելով 94 հազար ռուբլու փոխհատուցում, սակայն S7-ը բողոքարկել էր որոշումը։ Ընկերությունը պնդել էր, որ ուղևորի պահանջը քննարկվել է օրենքով նախատեսված 30-օրյա ժամկետում և տրվել է պատասխան, իսկ պահանջվող գումարի մի մասը սխալ հաշվարկված չվճարման տուգանք էր։

Ապելյացիոն դատարանը մասնակիորեն բավարարել է S7-ի բողոքը՝ նվազեցնելով վճարը մինչև 55 հազար ռուբլի։ Նախկինում նմանատիպ դեպք է արձանագրվել նաև «Պոբեդա» ավիաընկերության հետ, երբ ուղևորն իր բեռի կորստի համար կարողացել էր դատական կարգով ստանալ հարյուր հազարավոր ռուբլիներ։