Գաստրոէնտերոլոգը բացահայտել է ազնվամորու օգտակար և անսպասելի հատկությունները

Գաստրոէնտերոլոգ Եվգենի Բելոուսովի խոսքով՝ ազնվամորին ոչ միայն համեղ է, այլև հարուստ է օգտակար նյութերով և քիչ կալորիականությամբ՝ ընդամենը 46 կկալ 100 գրամում։ Այն պարունակում է C, B խմբի, E և PP վիտամիններ, ինչպես նաև երկաթ, ցինկ, մագնիում, կալիում, ֆլավոնոիդներ, անտոցիաններ և սալիցիլաթթու։

Մասնագետը նշել է, որ ազնվամորին նպաստում է արյան շաքարի կարգավորմանը, ինչն օգտակար է շաքարային դիաբետի ռիսկ ունեցող մարդկանց համար, իսկ հակաօքսիդանտները դանդաղեցնում են մաշկի ծերացման գործընթացները։ Բացի այդ, այն բարենպաստ ազդեցություն ունի սրտանոթային համակարգի վրա՝ բարելավելով անոթների էլաստիկությունը և նվազեցնելով թրոմբերի առաջացման հավանականությունը։

Բելոուսովը խորհուրդ է տվել ազնվամորին օգտագործել թարմ կամ սառեցված վիճակում՝ օրական ոչ ավելի քան 200 գ, իսկ գաստրիտի, խոցի կամ գություրի դեպքում՝ ամբողջությամբ բացառել։