Newsweek․ Ալյասկայի երկնքում հնարավոր է առաջին անգամ հանդիպեն Су-57 և F-22 կործանիչները

Newsweek-ի տվյալներով՝ Ալյասկայի գագաթնաժողովի ճանապարհին Ռուսաստանի և ԱՄՆ-ի հինգերորդ սերնդի կործանիչները կարող են առաջին անգամ գործել նույն օդային տարածքում։ Խոսքը Ռուսաստանի Су-57-ի և ԱՄՆ-ի F-22-ի մասին է։

Հրապարակման մեջ նշվում է, որ Վլադիմիր Պուտինի ինքնաթիռը կարող է ուղեկցվել ռուսական Су-57-երով, մինչդեռ այդ տարածքում հերթապահում են ամերիկյան կործանիչներ։ Եթե Պուտինը վայրէջք կատարի Էլմենդորֆ-Ռիչարդսոն ռազմաբազայում, որտեղ տեղակայված է F-22-ի մի մասը, ապա օդում նրանց հանդիպումը շատ հավանական է։

Ռազմական վերլուծաբան Ֆրեդերիկ Մերտենսը ընդգծել է, որ նման իրավիճակում երկու կողմերն էլ կփորձեն հնարավորինս շատ տեղեկություն ստանալ միմյանց հնարավորությունների մասին և միաժամանակ թաքցնել սեփական տեխնիկական առավելությունները։ Նրա խոսքով՝ հայտնի դեպքեր չկան, երբ Су-57-ը և F-22-ը գտնվել են նույն օդային տարածքում։