Ինչպես Կերոլին Բեսեթ-Քենեդիի պարզ հարսանեկան զգեստը փոխեց հարսանեկան նորաձևության կոդերը

1996-ին Կերոլին Բեսեթ-Քենեդին և Ջոն Քենեդի կրտսերը ամուսնացան Ջորջիայի Կամբերլենդ կղզում՝ հեռու մամուլի և պապարացիների աչքերից։ Սակայն հարսանիքի ամենահիշվող պահը դարձավ ոչ թե արարողությունը, այլ հարսնացուի զգեստը․ Բեսեթ-Քենեդին հրաժարվեց ավանդական շքեղ հագուստներից և ընտրեց մաքուր, նրբագեղ ու գերհասարակ ոճ։

Նրա ընտրած սպիտակ slip-dress-ը, որը ձևավորել էր դիզայներ Նարսիսո Ռոդրիգեսը, պատրաստված էր մետաքսից՝ թեթևակի ծալված դեկոլտեով, մետաքսե թիկնոցով և մանոլո բլահնիկի կոշիկներով։ Այդ ընտրությունը հակադրություն էր այն ժամանակ տարածված հարսանեկան «արքայական» զգեստներին՝ Դայանայի բազմաշերտ շքեղությունից մինչև Մադոննայի և Միշել Օբամայի սատինե հագուստները։ Փոխարենը, Բեսեթ-Քենեդին ստեղծեց նոր ստանդարտ՝ մինիմալիզմը դարձնելով հարսանեկան նորաձևության սիմվոլ։

Հարսանեկան այդ կերպարը, որ արժեր շուրջ 40 հազար դոլար, արագ վերածվեց գլոբալ տենդենցի։ Վերջին 25 տարվա ընթացքում այն մնացել է ոգեշնչման աղբյուր հարսների համար ամբողջ աշխարհում՝ ընդգծելով, որ հարսանեկան գեղեցկությունը պարտադիր չէ չափազանցված ու ծանր լինի։ Նույնիսկ Մեգան Մարքլը խոստովանել է, որ իր նախընտրած աստղային հարսանեկան զգեստը հենց Բեսեթ-Քենեդիինն է։ Այսօր էլ մաքուր ու նրբագեղ slip-dress-երը շարունակում են մնալ ամենապահանջված հարսանեկան ոճերից մեկը։