Բրիտանիայի վարչապետը սպառնում է Ռուսաստանին նոր պատժամիջոցներով Ալյասկայի գագաթնաժողովից հետո

Մեծ Բրիտանիայի վարչապետ Քիր Սթարմերը հայտարարել է, որ Լոնդոնը պատրաստ է կոշտացնել պատժամիջոցները Ռուսաստանի դեմ, եթե չկայացվի համաձայնություն Ուկրաինայի շուրջ։ Նրա խոսքերով՝ մինչ Մոսկվան չի դադարեցրել ռազմական գործողությունները, Լոնդոնը կշարունակի «ավելացնել ճնշումը»։

«Մինչ Ռուսաստանը չի դադարեցրել պատերազմը, մենք շարունակելու ենք պտտել պտուտակները՝ նոր պատժամիջոցներով, որոնք արդեն իսկ ազդեցություն են թողել նրա տնտեսության վրա։ Մեր անսասան աջակցությունը Ուկրաինային կշարունակվի այնքան ժամանակ, որքան անհրաժեշտ է», — ընդգծել է Սթարմերը։

Բրիտանիայի վարչապետը նաև գովեստով նշել է ԱՄՆ նախագահ Դոնալդ Թրամփի ջանքերը՝ ընդգծելով, որ դրանց շնորհիվ «խաղաղությանը հասնելն ավելի մոտ է, քան երբևէ»։ Ավելի վաղ Ֆրանսիայի նախագահ Էմանուել Մակրոնն էլ հայտարարել էր, որ Փարիզը լիովին կանգնած է Կիևի կողքին և շուտով «կամավորների կոալիցիան» նոր հանդիպում է կազմակերպելու՝ հաջորդ քայլերը համաձայնեցնելու համար։