ԱՄՆ-ի համար առաջնայինը տնտեսական շահերն են. Պետդումա

Պետդումայի ֆինանսական շուկայի հարցերով կոմիտեի ղեկավար Աнатոլի Աքսակովը, անդրադառնալով Պուտին–Թրամփ հանդիպմանը Ալյասկայում, հայտարարել է, որ ԱՄՆ-ի քաղաքականության առանցքում մշտապես եղել են տնտեսական շահերը։ Նրա խոսքով՝ անգամ աճող պատժամիջոցային ճնշումները ցույց են տալիս, որ Վաշինգտոնի քայլերը պայմանավորված են առաջին հերթին տնտեսական գերակայությամբ։

Աքսակովը ընդգծել է, որ արևմտյան պատժամիջոցները, թեև բերում են դժվարությունների, չեն կարող ազդել Ռուսաստանի արտաքին քաղաքական դիրքորոշման վրա։ Ընդհակառակը, դրանք խթանում են ներքին արտադրության զարգացումը, տնտեսության ինքնաբավությունը և ներմուծման փոխարինումը։ «Յուրաքանչյուր գործընթաց ունի իր դրական և բացասական կողմերը, և այս ճնշումները մեզ դրդում են ամրապնդել սեփական ներուժը»,– նշել է նա։

Նա հավելել է, որ ամերիկյան ռազմավարության հիմքում միշտ էլ եղել են տնտեսական նպատակները, իսկ պատժամիջոցային քաղաքականությունը չի կարող փոխել Ռուսաստանի կոշտ դիրքորոշումը միջազգային ասպարեզում։