Զելենսկին կանխատեսում է ռուսական նոր հարձակման ակտիվացում

Ուկրաինայի նախագահ Վլադիմիր Զելենսկին հայտարարել է, որ առաջիկա օրերին Ռուսաստանը կարող է փորձել ուժեղացնել հարվածները և ճնշումը ուկրաինական դիրքերի վրա։ Նա Telegram-յան գրառմամբ նշել է, որ արդեն արձանագրվում են ռուսական զորքերի տեղաշարժեր և պատրաստություններ։

Զելենսկին հայտնել է, որ լսել է ԶՈւ գլխավոր հրամանատար Ալեքսանդր Սիրսկու զեկույցը և հանձնարարել է նրան անմիջապես շփվել առաջնագծի հրամանատարների հետ։ Նրա խոսքով՝ քաղաքական և դիվանագիտական զարգացումները վկայում են հնարավոր նոր հարձակման մասին։

Ավելի վաղ Զելենսկին խոստացել էր լրացուցիչ ուժեր ուղարկել Դոնեցքի ուղղությամբ՝ այն բանից հետո, երբ ռուսական բանակը հաջողվել էր ճեղքում իրականացնել Դոբրոպոլյեի շրջանում։