Եվրոպան պետք է հասկանա, որ Ռուսաստանն էլ է ուզում անվտանգ ապագա. ԵՄ պատգամավոր

Եվրոպայի քաղաքական ղեկավարները պետք է գիտակցեն, որ Ռուսաստանը նույնպես ձգտում է խաղաղության և ապահով ապագայի, հայտարարել է Բելգիայից Եվրախորհրդարանի պատգամավոր Ռուդի Կեննեսը։ Նրա խոսքով՝ եթե ԱՄՆ-ը դադարեցնի ռազմական օգնությունը Կիևին, Ուկրաինան պարտություն կկրի, սակայն հակամարտությունը չի դադարի։

Կեննեսը նշել է, որ ԵՄ-ն պետք է վերանայի իր մոտեցումները, քանի որ ոչ միայն Կիևում, այլև Մոսկվայում կա անվտանգ ապագայի պահանջ։ Նա հիշեցրել է, որ վերջին տասնամյակներում Ռուսաստանը ականատես է եղել ՆԱՏՕ-ի ընդարձակմանը՝ դեպի իր սահմաններ։

Ավելի վաղ The Telegraph-ը հայտնել էր, որ ԵՄ շրջանակներում արդեն քննարկվում է Ռուսաստանի նկատմամբ պատժամիջոցների հնարավոր թուլացումը՝ հրադադարի պայմանով։ Ըստ աղբյուրի, նման քայլի համար Մոսկվայի համաձայնությունը պետք է տրվի որոշակի ժամկետում, որը դեռևս չի հստակեցվել։