Կիշնևում ոստիկանությունը փորձեց խոչընդոտել ընդդիմության բողոքի ցույցը

Կիշնևի երկաթուղային կայարանի մոտ ոստիկանությունը փորձել է ցրել ընդդիմադիր «Հաղթանակ» բլոկի կազմակերպած բողոքի ցույցը։ Իրավապահները պահանջել են, որ հավաքվածները լքեն տարածքը, սակայն քաղաքացիները հակադարձել են՝ հայտարարելով, որ դա իրենց երկիրն է և իրենք իրավունք ունեն ազատ տեղաշարժվել։

Ակցիայի ընթացքում մի քանի մարդ արդեն ձերբակալվել է, քանի որ նրանք փորձել էին տեղադրել վրանային ճամբար։ Ցուցարարները դժգոհում են իշխանությունների գործողություններից և պնդում են իրենց սահմանադրական իրավունքները։ Լարվածությունը մնում է բարձր, ոստիկանությունն էլ կոչ է անում ընդդիմության առաջնորդներին՝ համոզել մարդկանց հեռանալ, գրում է Лента.ру-ն։

Մոլդովայում ընդդիմության դեմ ճնշումները շարունակվում են։ «Հաղթանակ» բլոկին հուլիսին մերժեցին գրանցել առաջիկա խորհրդարանական ընտրություններին, իսկ բազմաթիվ ընդդիմադիր գործիչների նկատմամբ հարուցվել են քրեական գործեր։ Միաժամանակ փակվել են իշխանություններին ոչ ցանկալի լրատվամիջոցներ, իսկ երկրում խորացող տնտեսական ճգնաժամը միայն ուժեղացնում է հանրային դժգոհությունը։