Գավառ քաղաքի Հացառատ թաղամասում կենցաղային կեղտաջրերի կենտրոնական կոլեկտոր է կառուցվում

Գեղարքունիքի մարզի Գավառ քաղաքի Հացառատ թաղամասում  մեկնարկել են կենցաղային կեղտաջրերի կենտրոնական կոլեկտորի կառուցման աշխատանքները, որոնք իրականացվում են պետբյուջեի միջոցներով,՝ՀՀ կառավարության կողմից իրականացվող հրատապ ծրագրերի շրջանակներում։ 

Ինչպես տեղեկացրին Գավառի համայնքապետարանից, Հացառատի կենցաղային կեղտաջրերի կենտրոնական կոլեկտորի կառուցման ծրագրի պայմանագրային արժեքը կազմում է 43,3 միլիոն դրամ։ Ծրագրով նախատեսվում է 805 գծամետր երկարության կոլեկտորի կառուցում՝ 100-110 տնային միացմամբ, որով և կբավավարվեն թաղամասի շուրջ 400 բնակիչների կարիքները և միաժամանակ կկարգավորվի ջրահեռացման հիմնախնդիրը, որը տասնամյակներ ի վեր լուծում չի ստացել։

Շինարարությունը նախատեսվում է ավարտին հասցնել հոկտեմբերին։ 

Օրերս Հացառատի կենտրոնական կոլեկտորի կառուցման աշխատանքների ընթացքը դիտարկել են Գեղարքունիքի մարզպետ Կարեն Սարգսյանը և Գավառ համայնքի ղեկավար Գուրգեն Մարտիրոսյանը։