ԱՄՆ պաշտպանության նախարարությունը ռազմական օբյեկտներ կկառուցի Խաղաղ օվկիանոսում

Պենտագոնը 15 միլիարդ դոլարի պայմանագիր է կնքել մի քանի ընկերությունների հետ՝ Խաղաղ օվկիանոսում գտնվող Գուամում լայնածավալ շինարարական աշխատանքներ իրականացնելու համար։ Այս մասին ասվում է գերատեսչության կայքում տեղադրված հայտարարության մեջ։

Նշվում է, որ պայմանագիրը ներառում է ամերիկյան ընկերություններ, որոնք ստացել են «շինարարական նախագծերի պայմանագրեր» Գուամում և Խաղաղ օվկիանոսի ռազմածովային կառույցների ինժեներական համակարգերի հրամանատարության իրավասության ներքո գտնվող այլ տարածքներում։

Պենտագոնը նշել է, որ պայմանագրի ժամկետը չպետք է գերազանցի 96 ամիսը (8 տարի)։ Նախագծի ավարտի ենթադրվող ամսաթիվը 2033 թվականի սեպտեմբերն է։