Ադրբեջանը նույնպես շատ մեծ վերքեր ունի, մեր խանութներում լինելու են ադրբեջանական ապրանքներ․ Ալեն Սիմոնյան
Քաղաքական
Նույն ադրբեջանցիներն ու հայերը Մոսկվայում իրար հետ բիզնես են անում, ընկերություն անում, իրար ծնունդների գնում, իրար երես են տեսնում և նույնը Վրաստանում ու այլ երկրներում են անում։ Այս մասին լրագրողների հետ զրույցում ասաց ԱԺ նախագահ Ալեն Սիմոնյանը։
Նա նշեց, որ լարվածությունը երկու ժողովուրդների միջև դեռ կա, վերքերը դեռ թարմ են, բայց, նրա համոզմամբ, կարճ ժամանակ անց հայերն ու ադրբեջանցիներն առևտուր են անելու միմյանց հետ, ունենալու են միասնական շուկա։
«Մեր խանութներում լինելու են ադրբեջանական ապրանքներ, իսկ հայկական ապրանքները լինելու են Բաքվի ու մնացած այլ քաղաքների խանութներում և դա անխուսափելի է: Օրինակ՝ բենզինը հայերը գնալու են ավելի էժան առնեն ու գան, դա անխուսափելի է»,– ասաց Ալեն Սիմոնյանը։
Նա նաև նշեց՝ Ադրբեջանը նույնպես շատ մեծ վերքեր ունի։
«Ադրբեջանը համարում է, որ Հայաստան Հանրանպետությունը 30 տարի, չեմ վիճում՝ ճիշտ է, սխալ է, իրենց երկրի 20 տոկոսը պահել է օկուպացիայի տակ, մինչև ցեղասպանություն հասնող հայտարարություններ է անում և իրենց մտածելակերպն այդպես է, և Ադրբեջանի համար շատ կարևոր է, որ ապագա յուրաքանչյուր սպառնալիք կանխել»,- ասաց նա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
