«Իրական Հայաստանի» գաղափարախոսության հեղինակը մեր գերդաստանների ճաշ եփող մեծ մայրիկներն են. Փաշինյան

«Իրական Հայաստանի» գաղափարախոսության հեղինակը մեր գերդաստանների մեծ մայրիկներն են, կառավարության նիստի ընթացքում հայտարարեց վարչապետ Նիկոլ Փաշինյանը։

«Առանց չափազանցության եմ ասում։ Էս քաղաքականության հեղինակը մեր գերդաստանների այն մայրիկներն են, ովքեր, ընդունված է, երբ գերդաստանը հավաքվում է՝ իրենք են ճաշը եփում և կերակրում։ Բոլորիս գերդաստաններում այդպիսի մարդիկ կան։ Իրենք են հեղինակը, մենք ընդամենը լսել ենք, վերաձևակերպել ենք և փորձել ենք դրան տալ քաղաքական տեսք»,-ասաց Փաշինյանը։