Ռուսական զորքը հարվածել է իսրայելական RADA կայանին և ուկրաինական զինտեխնիկայի պահեստներին

Ռուսաստանի Պաշտպանության նախարարությունը հայտնել է, որ ռուսական բանակը հատուկ ռազմական գործողության գոտում ոչնչացրել է իսրայելական արտադրության RADA բազմաֆունկցիոնալ ռադարային կայան։ Բացի այդ, հարվածներ են հասցվել ուկրաինական զորքի ժամանակավոր տեղակայման կետերին և արտասահմանցի վարձկանների դիրքերին։

Նախարարության տվյալներով՝ ռուսական հրթիռային և ավիացիոն հարվածների թիրախ են դարձել նաև ուկրաինական զինամթերքի պահեստները, որտեղ պահվել են հրթիռներ և հրետանային զինատեսակներ։ Այս գործողությունները միտված են եղել Ուկրաինայի պաշտպանական կարողությունների թուլացմանը։

Նույն օրը հայտնի դարձավ նաև, որ Ուկրաինան իրականացրել է անօդաչու սարքերի զանգվածային հարձակում Ռուսաստանի Բելգորոդի մարզի վրա։ Ռուսական կողմի տվյալներով՝ առավոտյան ժամերին տարածաշրջանի երկնքում խոցվել է 15 թռչող սարք։