Լատվիան փակում է օդային տարածքը Ռուսաստանի և Բելառուսի հետ սահմաններին

Լատվիայի պաշտպանության նախարար Անդրիս Սպրուդսը հայտարարել է, որ սեպտեմբերի 11-ից երկրի օդային տարածքը ամբողջությամբ փակվելու է Ռուսաստանի և Բելառուսի հետ սահմանների վրայով։ Թռիչքների արգելքը ուժի մեջ կմնա առնվազն մեկ շաբաթ՝ սկսած տեղական ժամանակով 18:00-ից։ Այս որոշումը կայացվել է անվտանգության նկատառումներով և ներքաղաքական լարվածության պայմաններում։

Որոշման ֆոնին Լատվիայի Մալտա բնակավայրում հայտնաբերվել էր Ռուսական կայսրության դրոշ՝ «Մենք ռուս ենք, մեզ հետ է Աստված» գրությամբ։ Դեպքից հետո իրավապահները սկսեցին վարչական գործ և առգրավեցին դրոշը։

Լատվիայի և Ռուսաստանի հարաբերությունները շարունակում են լարվել։ Ավելի վաղ ՌԴ ԱԳՆ ներկայացուցիչ Մարիա Զախարովան կոշտ քննադատել էր Լատվիայի իշխանությունների՝ 841 ռուս քաղաքացու արտաքսելու որոշումը՝ անվանելով այն «նեոնացիզմի դրսևորում», փոխանցում է Лента.ру-ն։