Հեյդար Ալիևի հուշարձանի ապամոնտաժումը՝ որպես Ադրբեջանի կառավարության հեղինակություն գնելու ձախողված փորձ

Անցյալ տարի օգոստոսին Հեյդար Ալիևի արձանը բացվեց Մեքսիկայի մայրաքաղաք Մեխիկոյի Paseo de la Reforma այգում, որը հետագայում վերանվանվեց «Մեքսիկայի և Ադրբեջանի բարեկամության այգի»: Միևնույն ժամանակ, Ադրբեջանի կառավարությունը ստեղծեց երկրորդ հուշահամալիրը մեկ այլ այգում, որը նվիրված էր Խոջալուի դեպքերին: Հուշարձանի մոտ դրած հուշատախտակի վրա 1992-ի դեպքերը բնորոշում էին որպես ցեղասպանություն: Ադրբեջանական կառավարությունը վերանորոգել է երկու հուշարձաններն էլ` տրամադրելով 5,4 միլիոն դոլար: Այս մասին հաղորդում է Slate պարբերականը: 

Ալիևի հուշարձանի բացման արարողությանը ներկա են եղել մեքսիկայի նշանավոր քաղաքական գործիչներ, այդ թվում՝ նաև Մեխիկոյի քաղաքապետը, սակայն Մեքսիկայի բնակչության ուշադրության կենտրոնում հիմնականում նախագահական ընտրությունները և ուշադրություն չդարձրին իրենց պետությունից 13,000 կմ հեռավորության վրա գտնվող պետության նախագահի արձանի բացմանը: 

«Սա Ադրբեջանի կառավարության կողմից փողով իրենց հարգանքն ու հեղինակությունը գնելու հերթական փորձն էր, որը, սակայն հակառակ ռեակցիան ունեցավ: Երբ Մեխիկոյի բնակիչները տեղեկացան հուշարձանի մասին, պարզ դարձավ, որ ավտորիտար կառավարությունն անփույթ կերպով փորձում է գնել հեղինակություն և արդարացնել դիկտատորի օրինականությունը»,-այս մասին նշում է պարբերականը: 

Անցյալ կիրակի Մեխիկոյի կառավարությունն ապամոնտաժեց Ալիևի հուշարձանը: «Այժմ բոլորը խոսում են Ադրբեջանի մասին, սակայն՝ վատ ձևով»,-այս մասին նշել է Գիլերմո Ասորնոն` նշանավոր լրագրող և հուշարձանի ուսումնասիրության հանձնաժողովի կառավարության անդամը: 

Նշենք, որ Ադրբեջանի ներկայիս նախագահը Իլհամ Ալիևն է, որը երկրում ստեղծում է իր հոր անհատապաշտությունը: Հեյդար Ալիևի ներկայությունն ամենուր է Ադրբեջանում: Յուրաքանչյուր քաղաք Ադրբեջանում ունի մեծ փողոց Ալիևի անունով, երկրում կան շուրջ 60-ից ավել թանգարաններ և մշակութային կենտրոններ նրա անունով: 2008-ին Բաքվի համալսարանում ստեղծվեց ալիևագիտության բաժին: Ամբողջ աշխարհում կա Հեյդար Ալիևի 14 արձան, որոնց մեծ մասը՝ Միջին Արևելքում և նախկին հետխորհրդային Հանրապետություններում: 

Սրանից բացի՝ Ադրբեջանում փորձում են կատարել նաև պատմության իրենց մեկնաբանությունը: Այսպես Ադրբեջանը ջանում է, որ միջազգային ասպարեզում 1992-ի «հայերի կողմից սպանությունները» ճանաչվեն ցեղասպոնություն, որի հիմնական նպատակն է 1915 թվականին 600,000-1,5 միլիոն հայերի ցեղասպանության պահանջի թուլացնելը: 

Վերջերս Ադրբեջանը որոշակի հաջողություն արձանագրեց իր այս քաղաքականության տեսանկյունից Մեքսիկայում, որտեղ 2011-ին կառավարությունը Խոջալուի դեպքերը ճանաչեց որպես ցեղասպանություն, ընդ որում, Մեքսիկան երբեք չի ճանաչել 1915-ի սպանութունը: Ավելին, Մեխիկոյի Հիշողության և հանդուրժողականության թանգարանում անցկացվեց ցուցահանդես՝ նվիրված Խոջալուի ցեղասպանությանը: