Առաքել Մովսիսյանի եղբայրները ՀՔԾ-ում հարցաքննվել են

Քիչ առաջ տեղեկություն տարածվեց, որ ՀՀ Ազգային անվտանգության ծառայության աշխատակիցներն առավոտյան բերման են ենթարկել ՀՀ ԱԺ  ՀՀԿ-ական նախկին պատգամավոր Առաքել Մովսիսյանի (Շմայս) 4 եղբայրներին՝ Մուրադ, Զարզանդ, Սահակ եւ Լյովա Մովսիսյաններին:

ԱԱԾ հասարակայնության և լրատվության հետ կապերի բաժնից ԼՈՒՐԵՐ.com-ի հետ զրույցում հայտնեցին, որ տեղեկությունը չի համապատասխանում իրականությանը:

«ԱԱԾ-ն Առաքել Մովսիսյանի և /կամ/ իր եղբայրների հետ կապված որևէ գործունեություն չի իրականացրել»,- ասացին լրատվության բաժնից: 

Չնայած նրան, որ Այգեկ գյուղի համայնքապետ Վարուժան Աբրահամյանը հաստատել է Մովսիսյանների հետ կատարվածի մասին տեղեկությունները, մեզ հետ զրոււյցում ՊԵԿ-ի և Ոստիկանության մամուլի ծառայությունից ևս հերքեցին այդ լուրը:

Քիչ առաջ Հատուկ Քննչական ծառայության մամուլի պատասխանատու Մարինա Օհանջանյանը ԼՈՒՐԵՐ.com-ին ասաց, որ Մովսիսյանի եղբայրներին ՀՔԾն է բերման ենթարկել և հարցաքննել քրեական գործի շրջանակներում: Իսկ թե որ քրգործի, Օհանջանյանը չմեկնաբանեք՝ նշելով, որ դա նախաքննական գաղտնիք է: 

Արմինե Միքայելյան