Ողջամիտ ժամկետ է ընտրվել. Մանվել Գրիգորյանի դատական նիստը հետաձգվեց
Քաղաքական
«Սա ճիշտ մոտեցում չէ, այս պայմաններում մենք չենք կարող աշխատել՝ մարդիկ լայվ են մտնում, պայքարում են դատարանի դեմ: Մանվել Գրիգորյանի գործով դատական նիստը հետաձգվել է տեխնիկական պատճառներից ելնելով, քանի որ որոշ թղթեր են անհրաժեշտ»,- այս մասին քիչ առաջ առաջ լրագրողների հետ զրույցում ասաց Մանվել Գրիգորյանի փաստաբան Արսեն Մկրտչյանը:
Պաշտպանի խոսքով՝ ընտրվել է ողջամիտ ժամանակ՝ հաջորդ նիստն անցկացնելու համար, սակայն թե որ օրն է անցկացվելու նիստը, վերջինս չկարողացավ պատասխանել: Այն հարցին, թե ինչու Մանվել Գրիգորյանը ներկա չի գտնվել դատական նիստին, Արսեն Մկրտչկյանը պարզաբանեց, որ առողջական խնդիրներ ունի:
Արսեն Մկրտչյանը նաև, ի վերջո, պարզաբանեց, թե դատարանն ինչ հիմքով է Գրիգորյանի կալանքի խափանման միջոցը փոխել.«Վերացել է անհրաժեշտությունը կալանքի տակ պահելու. դատարանը հնարավոր է համարել նրան ազատ արձակելը՝ հաշվի առնելով, այդ թվում նաև հիվանդությունը»:
Պաշտպանը վերջում անդրադարձավ այն տեղեկություններին, թե կան Գրիգորյանից ահաբեկված ի շարք մարդիկ, մանրամասնելով. «Եթե, իրոք, կան նման ահաբեկված մարդիկ, ինչու՞ հաղորդում չեն տալիս»:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
