Թրամփի ձեռնարկած քայլերը շատ խոստումնալից են, բայց սա դեռ վերջը չէ․ Ալիև

Նախագահ Թրամփի ձեռնարկած քայլերը շատ խոստումնալից են, բայց սա դեռ վերջը չէ։ ԱՄՆ ՄԶԳ-ն (USAID) հսկաներից մեկն է և ամբողջովին կոռումպացված կազմակերպություն, ասել է Ադրնեջանի նախագահ Իլհամ Ալիևը «Դեպի նոր աշխարհակարգ» թեմայով միջազգային ֆորումի ժամանակ։

Նշելով, որ «Ազատություն» և «Ամերիկայի ձայն» ռադիոկայանների գործունեությունը դադարեցվել է, սակայն դա բավարար չէ, պետության ղեկավարը նշել է, որ անհրաժեշտ է դադարեցնել այնպիսի կառույցների գործունեությունը, ինչպիսիք են «Human Rights Watch»-ը, «Amnesty International»-ը, «Transparency»-ը, որոնք «ծառայում են քաղաքական թշնամանքին»։

Թրամփի վարչակազմի ներկայիս քաղաքականությունն ավելի շատ հիմնված է լինելու Ամերիկայի ազգային շահերի վրա, և կարող եմ ասել, որ նրանց հետ այս պահին շատ ամուր հարաբերությունները կարևոր են այս տարածաշրջանի համար, նշել է Ալիևը։

Նրա խոսքով՝ Ադրբեջանը կարող է լինել շատ կարևոր գործընկեր Միացյալ Նահանգների համար։