Ինչու է ուշանում Նիկոլ Փաշինյանի պատասխանը՝ Լուկաշենկոյի աղմկահարույց հայտարարությանը

Բելառուսի նախագահ Ալեքսանդր Լուկաշենկոն, երեկ, պատասխանելով ռուս լրագրող Վլադիմիր Սոլովյովի հարցերին, ասել է, թե նախկին խորհրդային հանրապետությունների մեծ մասը կարող է միանալ Բելառուսին և Ռուսաստանի Միութենական պետությանը։ Նա անդրադարձել է նաև Հայաստանին՝ նշելով.

«Դե, Հայաստանը գնալու տեղ չունի: Կարծում եք` նրանք ինչ-որ մեկին պե՞տք են: Նրանք դա տեսան: Նիկոլ Վովաևիչը դա տեսավ»,- ասել էր Լուկաշենկոն:

Այս թեմայով ԼՈՒՐԵՐ.com -ը զրուցեց քաղաքագետ Թևան Պողոսյանի հետ, որն ասաց ցանկացած երկրի ղեկավար, որը Հայաստանի մասին նման արտահայտություն է իրեն թույլ տալիս՝ անթույլատրելի է: Նա այն կարծիքին է, որ Լուկաշենկոյի գործընկերը՝ Նիկոլ Փաշինյանը, պետք է համապատասխան արձագանք տա այդ հայտարարությանը.

«Եթե մի երկրի ղեկավարը, օրինակ, Ալիևը իրեն որևէ արտահայտություն է թույլ տալիս Հայաստանի վերաբերյալ, ապա նրան պետք է պատասխանի հենց Նիկոլ Փաշինյանը, ոչ թե Հայաստանի հասարակությունը: Լուկաշենկոն չպետք է Հայաստանի մասին նման կերպ խոսեր, բայց դրա հետ մեկտեղ էլ Հայաստանի պատասխանը պետք է համապատասխան պետական ինստիտուտներով գնա: Լուկաշենկոն  նախկին նախագահ չէ, ինքը դաշնակից երկրի գործող նախագահն է, բա Հայաստանը չպե՞տք է պատասխան տա »,- նշեց նա:

Մեր այն դիտարկմանը, թե հնարավոր է, որ այդպես էլ Նիկոլ Փաշինյանը պատասխան չտա, որ դաշնակից երկրի հետ հարաբերությունները չլարվեն, քաղաքագետը նկատեց, որ եթե պատասխան չլինի, ապա միայն Լուկաշենկոյի խոսքը կմնա և վերջ. Թևանյանը բերեց Ալիևի օրինակը. «Եթե թշնամին չի պատասխանում, ապա լսում է աշխարհի խոսքը՝ դե, եթե թշնամին ինչ-որ բան է ասում, Հայաստանն էլ չի պատասխանում, ուրեմն Ալիևն է ճիշտ: Այդ պատճառով աշխարհը Ալիևին ոչինչ չի ասում, իսկ ինքը հայկական եկեղեցիներն է քանդում, պատմությունը փոխում, մեր հողերը գրավում, զինվորների պարանոցը կտրում, ահաբեկիչներ բերում, իսկ աշխարհը շարունակում է լռել»,- ընդգծեց քաղաքագետը:

Վերջինս այն կարծիքին է, որ եթե չլիներ 44-օրյա պատերազմը, կամ այն այլ ավարտ ունենար, ապա Լուկաշենկոն իրեն երբևէ նման արտահայտություն թույլ չէր տա. « Երբ դու պարտված ես և պարտված իշխանությունն է շարունակում ղեկավարել երկիրը՝ քեզ վերաբերվում են ինչպես պարտվածի»,- ասաց Թևան Պողոսյանը:

Զվարթ Պետրոսյան

Այս թեմայով Իրանի նախագահ Էբրահիմ Ռաիսիի կյանքից զրկվելու մեղավորը ԱՄՆ-ն է․ Լուկաշենկո Հայտնի է՝ ինչ են քննարկելու Պուտինն ու Լուկաշենկոն՝ Մինսկում Մենք եղբայրների պես ենք. Լուկաշենկոն՝ Բելառուս-Ադրբեջան հարաբերությունների մասին Բաքվում ընթանում է Ալիև-Լուկաշենկո հանդիպումը Աշխատելու նպատակով Ռուսաստան եկող միգրանտները պետք է ռուսերեն իմանան. Վոլոդին Աշխարհն, ավելի քան երբևէ, մոտ է միջուկային պատերազմին․ Լուկաշենկո Ռուսաստանն արգելել է շաքարավազի արտահանումը մինչև ամառվա վերջ Բելառուսի հետ սահմանին հարձակվել են լեհ զինվորականների վրա ՌԴ Պետդումայում առաջարկել են Ռուսաստանից միգրանտների արտաքսման նոր ռեժիմ սահմանել Լուկաշենկոն հայտարարել է, որ կհամաձայնի, եթե մարդիկ ցանկանան այլ նախագահ ընտրել