Մահացել է Իտալիայի նախկին վարչապետ Սիլվիո Բերլուսկոնին
Աշխարհ
87 տարեկան հասակում մահացել է Իտալիայի նախկին վարչապետ Սիլվիո Բերլուսկոնին, գրում է BBC-ն։ Ըստ մամուլի՝ Բեռլուսկոնին մահացել է Միլանի «Սան Ռաֆայել» հիվանդանոցում։
Ապրիլին քաղաքական գործիչը հոսպիտալացվել էր քրոնիկ լեյկեմիայի հետ կապված թոքերի ինֆեկցիայով։
2020 թվականին Բերլուսկոնին 11 օր հիվանդանոցում անցկացրեց՝ կորոնավիրուսի հետևանքով առաջացած թոքաբորբի պատճառով, որով նա վարակվել էր Սարդինիայում արձակուրդի ժամանակ։ Հետո նա հոսպիտալացումն անվանեց «կյանքի, թերևս, ամենադժվար թեստը»:
Սիլվիո Բեռլուսկոնին մեդիա մագնատ է, Իտալիայի ամենահարուստ մարդկանցից և իտալական քաղաքականության երկարակյացներից մեկը, ով երկրում ամենաերկար ժամանակ է աշխատել՝ որպես վարչապետ։
Բերլուսկոնիի քաղաքական և բիզնես կարիերան ուղեկցվել է բազմաթիվ սկանդալներով, և նրա հայտարարությունները հաճախ դառնում են կոշտ քննադատության առարկա։ Ըստ իտալական լրատվամիջոցների՝ այս քաղաքական գործչի հակասական կերպարը իտալացիների մոտ կա՛մ հիացմունք է առաջացնում, կա՛մ արհամարհանք։
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
