Փաշինյանի և թիմակիցների կողմից՝ բյուջեի «աննախադեպ» կատարողականը

 2022թ–ի բյուջեի կատարողականի հունվար–սեպտեմբեր ամիսների տվյալներով` կապիտալ ծախսերը Հայաստանում թերակատարվել էին 36.8 տոկոսով։  Երևան քաղաքն ամփոփել է 2022 թվականի բյուջեի արդյունքները: Ըստ այդմ, քաղաքապետարանի ընդամենը փաստացի եկամուտները կազմել են 86 մլրդ 187 մլն 242 հազար դրամ. կատարողականը կազմել է 98.5%։ Երևան քաղաքի 2022 թվականի բյուջեի միջոցների հաշվին կատարվել է 94,799,074.4 հազար դրամի ծախսեր՝ ծրագրված (ճշտված) 111,431,306.6 հազար դրամի դիմաց կամ ծրագրվածի 85.1%-ը։ Նախատեսված և փաստացի ծախսված գումարների տարբերությունները հիմնականում պայմանավորված են գնումների գործընթացում առաջացած խնայողություններով, կնքված անցումային պայմանագրերով, պատվիրակված լիազորությունների մասամբ չիրականացմամբ:

Երևան քաղաքի 2022 թվականի բյուջեի կատարողականն՝ ըստ վարչական շրջանների եւ Երևանի քաղաքապետարանի, հետևյալն է․

Ընդհանուր առմամբ, տեսնում ենք, որ վարչական շրջանները բավականին թերացել են: Մինչդեռ ողջ նախորդ տարին հանրությանը փորձում էին ապացուցել, որ վարչական շրջանի ղեկավարները օրնիբուն աշխատում են հանուն համայնքի և Երևանի կայուն զարգացման: Կենտրոն վարչական շրջանի համար 84 տոկոս կատարողականը պարզապես խայտառակ վատ արդյունք է: Հիշեցնենք՝ Սամվել Ղուկասյանը 2022-ի ապրիլին էր նշանակվել վարչական շրջանի ղեկավար և բավական ժամանակ ուներ, որպեսզի առնվազն այսօր նման ցուցանիշների ականատես չլինենք: Սակայն՝ թերացել է: Վերջինս զբաղված էր կենտրոնի կրպակների ապամոնտաժմամբ: Թերացել է նաև Դավթաշենի թաղապետը՝ Ռոման Համբարձումյանը, չնայած, որ վերջինս ջանք ու եռանդ չէր խնայում ողջ տարի սոցիալական ցանցերում փիառվելու նպատակով: Մինչդեռ տարին ամփոփելիս թվերը խոսում են իրենք իրենց փոխարեն: Շենգավիթի արդյունքները նույնպես դժվար է համարել գոհացուցիչ՝ հաշվի առնելով, որ այստեղ հեղափոխությունից հետո թաղապետ է Ռազմիկ Մկրտչյանը, ով պետք է որ արդեն հալած յուղի պես 100 տոկոսանոց կատարողականներ հանձներ հանրության դատին: Բայց արի ու տես, որ այստեղ էլ կան թերացումներ:

Բացի այդ, կապիտալ ծախսերը թերակատարել են նաև ԿԳՄՍՆ-ում:

Ընդ որում, ծրագրային դասակարգմամբ բյուջետային ծախսերի կատարողականի ուսումնասիրությունը ցույց է տալիս է, որ, այս առումով ևս, «առաջամարտիկը» պաշտպանական համակարգն է՝ պլանից ամենից ավելի էական շեղում՝ 46.8%-ով կամ 52.6 մլրդ դրամով, արձանագրվել է ՀՀ պաշտպանության նախարարության պատասխանատվության տակ գտնվող ծրագրերի գծով (2023թ. առաջին եռամսյակի ճշտված պլանով նախատեսված 112.3 մլրդ դրամի ծախսերի փոխարեն)։ Բացի այն, որ արձանագրվել է ՊՆ պատասխանատվության տակ գտնվող ծրագրերի իրականացման խիստ ցածր կատարողական, փաստացի ծախսերը նույնիսկ 12.8%-ով պակաս են նախորդ տարվա նույն ժամանակահատվածի ցուցանիշից։ Ի դեպ, 2023 թվականի պետական բյուջեն ներկայացնելիս կառավարությունը բազմիցս շեշտում էր պաշտպանական ծախսերի՝ բյուջեով նախատեսվող աննախադեպ աճը։

Այս թեմայով Կընդլայնվեն կենսաթոշակային ֆոնդերի կողմից արվող ներդրումների և եկամուտների ստացման հնարավորությունները 23 անհետ կորած զինծառայողների հարազատները եւս 2 ամիս կստանան 300-հազարական դրամները Պետությունը շարունակելու է կառավարել պետական ռեգիստրը (տեսանյութ) Նիկոլ Փաշինյանը ԱԺ-ում է․ մեկնարկել է Ազգային ժողով - Կառավարություն հարցուպատասխանը «Այն բանտիկով փաթաթված նախագծերը, որոնք բերվում են այստեղ, մի իրականություն է, ու կա մյուս՝ Գառնիկ Դանիելյանի ասած իրականությունը»․ Գեղամ Մանուկյան