Բաղդադում ցուցարարները այրել են Շվեդիայի դեսպանատունը (տեսանյութ)

Իրաքի մայրաքաղաք Բաղդադում հարյուրավոր ցուցարարներ ներխուժել են Շվեդիայի դեսպանատուն և այրել այն, հինգշաբթի՝ հուլիսի 20-ին, հայտնում է Reuters-ը։

Նրանք բարձրացել են շենքի պատերին ու հրկիզել դեսպանատունը՝ ի նշան Շվեդիայում Ղուրանի այրման դեմ բողոքի։ Դիվանագիտական ​​ներկայացուցչության աշխատակիցներից ոչ ոք չի տուժել։ Շվեդիայի ԱԳՆ-ն դատապարտել է հարձակումը և հայտարարել իրաքյան իշխանությունների կողմից դիվանագիտական ​​ներկայացուցչությունների պաշտպանության անհրաժեշտության մասին։

Թե որքանով է տուժել Շվեդիայի դեսպանատունը, չի նշվում։

Անկարգությունները կազմակերպել են շիա հոգևորական Մուկթադա Սադրի կողմնակիցները։ Նրանք բողոքում են Շվեդիայում Ղուրանի այրման դեմ։ Նախօրեին ոստիկանությունը հավանություն է տվել Ստոկհոլմում Իրաքի դեսպանատան մոտ հասարակական հանրահավաք անցկացնելու հայտին։ Հայտարարության մեջ ասվում է, որ ակցիայի կազմակերպիչները կարող են այրել Ղուրանը և Իրաքի դրոշը։

Հունիսի վերջին Իրաքից 37-ամյա ներգաղթյալ Սալվան Մոմիկան պոկել է Ղուրանի էջերը և այրել այն Ստոկհոլմի կենտրոնում գտնվող Մեդբորջարպլացեն հրապարակում։ Այս օրը աշխարհի մուսուլմանները նշում էին Կուրբան Բայրամը՝ գլխավոր կրոնական տոներից մեկը:

Այս թեմայով Ոստիկանների բիրտ ուժի հետևանքով քաղաքացու ուշքը գնաց․ ցուցարարները օգնություն են ցուցաբերում (տեսանյութ) Պապիկյանը քննարկումներ է ունեցել Շվեդիայի, Բուլղարիայի, Հունաստանի, Կիպրոսի և Վրաստանի նախարարների հետ ՀՀ-ում ՌԴ դեսպանատունը կապ է հաստատել ՀՀ ԱԳՆ-ի հետ՝ հեղեղումներից հետո օգնություն ցուցաբերելու համար Կիրանց գյուղի բնակիչն այրել Է բանջարանոցային փոքրիկ շինությունը, որը սահմանազատումից հետո մնալու էր Ադրբեջանին (տեսանյութ) Քիչ առաջ այրել են Կապանի քաղաքապետ Գեւորգ Փարսյանի մեքենան Իրանում Ադրբեջանի դեսպանատունը կվերաբացվի Ամենայն Հայոց Կաթողիկոսն ընդունել է Շվեդիայի Եկեղեցու Վեստերիսի եպիսկոպոսին Ցուցարարները մտան ԵՊՀ. ուսանողներին իրազեկում են Տավուշում տեղի ունեցող դեպքերի մասին Ցուցարարները Վրաստանի խորհրդարանի շենքի մոտ պատռել են Ռուսաստանի դրոշը Ցուցարարները փակել են Սպիտակ-Գյումրի ավտոճանապարհը