Գիտնականներն ապացուցել են, որ սովորական թեյը պաշտպանում է երեք լուրջ հիվանդություններից

Թեյը ամենահայտնի ըմպելիքներից է։ Շատերն այն խմում են ամեն օր։ Ի վերջո, առավոտյան այն տալիս է եռանդ, իսկ երեկոյան օգնում է արագ քնել։

Ինչպես ասել է փորձագետ Անդրեյ Սկիդանը, թեյի մեջ ամենաօգտակար նյութերն են կոֆեինը, թեանինը և կատեխինները։ Գիտնականները երկար տարիներ ուսումնասիրել են այդ միացությունները՝ մշտապես ապացուցելով դրանց դրական ազդեցությունը առողջության վրա։

Այս բոլոր բաղադրիչներն իսկապես ունեն յուրահատուկ հատկություններ, ընդգծել է Անդրեյ Սկիդանը «Известия»-ին տված հարցազրույցում։

Օրինակ, կատեխինները հզոր հակաօքսիդանտներ են: Ամերիկացի հետազոտողները ապացուցել են, որ այս նյութերը պաշտպանում են օրգանիզմը քաղցկեղից և օքսիդատիվ սթրեսից, ինչպես նաև նվազեցնում են սրտանոթային հիվանդությունների զարգացման ռիսկը և նորմալացնում արյան ճնշումը։ Կանաչ թեյի մեջ կան շատ կատեխիններ։ 

Թեանինը ամինաթթու է, շարունակել է փորձագետը։ Այս միացությունն ունի հանգստացնող հատկություն, այդ իսկ պատճառով թեյն օգնում է նվազեցնել սթրեսի մակարդակը, բարելավում է քնի որակը և ճանաչողական գործառույթը։

Կոֆեինը նույնպես դրական է ազդում ուղեղի վրա։ Այս նյութը նվազեցնում է Պարկինսոնի և Ալցհեյմերի հիվանդությունների զարգացման ռիսկը։ Սուրճի մեջ կոֆեին կա, բայց «թեյը» շատ ավելի մեղմ է ազդում օրգանիզմի վրա, նշել է մասնագետը։