Հաագայի դատարանը պարտավորեցրել է Իսրայելին կանխել Գազայի հատվածում տեղի ունեցող ցեղասպանությունը
Աշխարհ
ՄԱԿ–ի արդարադատության միջազգային դատարանը Իսրայելին պարտավորեցրել է ձեռնարկել բոլոր միջոցները Գազայի հատվածում ցեղասպանությունը կանխելու համար, սակայն չի կարգադրել դադարեցնել ռազմական գործողությունն անկլավում։
«Իսրայելը պետք է շտապ միջոցներ ձեռնարկի, որպեսզի ապահովի Գազայի հատվածում պաղեստինցիներին ծառայությունների և մարդասիրական օգնության (...) տրամադրումը»,- ասել է դատարանի նախագահ Ջոան Դոնոգյուն։
Բացի այդ, նա հավելել է, որ Իսրայելը պետք է կատարի Ցեղասպանության մասին կոնվենցիայով ստանձնած իր պարտավորությունները։
«Իսրայելը պետք է ձեռնարկի բոլոր միջոցները, որոնք նրա ուժերի սահմաններում են, կանխելու Ցեղասպանության մասին կոնվենցիայի երկրորդ հոդվածում նկարագրված բոլոր գործողությունների կատարումը», - ասել է Դոնոգյուն։
Նրա խոսքով՝ դատարանը Իսրայելին պարտավորեցնում է մեկ ամսից զեկուցել համապատասխան միջոցառումների իրականացման մասին։
Հարավաֆրիկյան Հանրապետությունը հայց էր ներկայացրել Արդարադատության միջազգային դատարան՝ Իսրայելին մեղադրելով Գազայի հատվածում ցեղասպանություն իրականացնելու մեջ և պահանջելով անհապաղ դադարեցնել ռազմական գործողություններն անկլավում։
Ամենադիտված 
Վանգան և Նոստրադամուսը կանխատեսել են պատերազմ Եվրոպայում 2025 թվականին․ Daily Mail 
