Հաստատվել են բնակարաններով ապահովման ծրագրի հավակնորդների ցանկը և բնակարանների ընտրության վերջնաժամկետը

Հաստատվել է հանրային ծառայողներին բնակարաններով ապահովման ծրագրի շրջանակում «Նոր Երևան» թաղամասում բնակարան գնելու հավակնորդ հանրային ծառայողների ցուցակը: Այս մասին հաղորդագրություն է տարածել ՀՀ քաղաքաշինության կոմիտեն։

Նշվում է, որ այդ մասին հանրային ծառայողներն իրենց էլեկտրոնային հասցեներին արդեն ստացել են անհատական ծանուցում: Քաղաքաշինության կոմիտեի նախագահի հրամանով հաստատված ցուցակը հրապարակված է կոմիտեի պաշտոնական կայքի «Ծրագրեր» բաժնում:

Ցուցակում ընդգրկվածները մինչև ապրիլի 19-ը՝ ժամը 17:59-ը, կարող են Երևանի Առնո Բաբաջանյան փողոցի 42/5 հասցեում կառուցվող բազմաբնակարան շենքային համալիրից կատարել բնակարանների ընտրությունը (առավելագույնը 20 բնակարան)՝ իրենց տրամադրված տվյալներով մուտք գործելով ծրագրի հարթակ։ Մինչև մայիսի 3-ը այլ հրամանով կսահմանվի վիճակահանության անցկացման օրը։

Հարկ է նշել, որ մինչև վիճակահանությունը հանրային ծառայողները հնարավորություն ունեն հրաժարվելու ծրագրի հետագա մասնակցությունից: Հավակնորդների ցուցակից դուրս գալու և կանխավճարի վերադարձի համար գրավոր դիմում ներկայացնելու վերջնաժամկետ է սահմանված ապրիլի 19-ը։

«Կարևոր է նախապես դիմել ցանկացած բանկ՝ վարկունակությունը գնահատելու համար, քանի որ եթե վիճակահանության արդյունքում հաղթող ճանաչվելուց հետո բանկը դիմումատուին չտրամադրի հիփոթեքային վարկ, այլևս հնարավոր չի լինի հետ ստանալ կանխավճարը: Ծրագրի շրջանակում բանկերի առաջարկներին և հետագայում ծրագրի վերաբերյալ նորություններին կարող եք ծանոթանալ կոմիտեի կայքում և կառուցապատողի կայքի «Նորություններ» բաժնում։

 Հարցերի դեպքում կարող եք զանգահարել Քաղաքաշինության կոմիտեի քաղաքաշինական ծրագրերի իրականացման վարչության բնակարանային ծրագրերի բաժին՝ 011 621 776 և 011 621 714 հեռախոսահամարներով»,- ասված է հաղորդագրության մեջ:

Այս թեմայով Վարչապետի գլխավորությամբ քննարկվել է Զբաղվածության ռազմավարական ծրագրի նախագիծը Ուզում են ժողովրդից խլել ընտրության իրավունքը, ես թույլ չեմ տա, հրապարակում օրակարգ չկա 2023 թվականի համար վարձակալության հաշվարկ-հայտարարագիր ներկայացնելու վերջնաժամկետը հուլիսի 22-ն է ՊՆ-ն ԶՈՒ պատվո պահակային վաշտում զորակոչիկների ընտրության մրցույթ է հայտարարել Կարեն Անդրեասյանն ընդունել է ՀՀ-ում ՄԱԿ-ի զարգացման ծրագրի մշտական ներկայացուցչի գլխավորած պատվիրակությանը Արցախից բռնի տեղահանված ընտանիքների բնակարանային ապահովման պետական աջակցության ծրագրի մասին Նարեկ Մկրտչյանը մասնակցել է «Հասանելի համայնքային սոցիալական ծառայություններ» ծրագրի փակման արարողությանը 2023 թվականին բնակարանային ապահովման ծրագրից օգտվել է ԼՂ-ից տեղահանված 839 ընտանիք ՄԻՊ-ը խոստանում է հետևողական լինել աղետի գոտու բնակիչների բոլոր իրավունքների պատշաճ ապահովման հարցում (տեսանյութ) Այս փուլում արտահերթ ընտրության հարցը չենք քննարկում. Բագրատ Սրբազան (տեսանյութ)