Սերբիայի նախագահը հայտարարել է, որ աշխարհը պատրաստվում է մեծ պատերազմի

Սերբիայի նախագահ Ալեքսանդր Վուչիչը հայտարարել է, որ Մերձավոր Արևելքում լիբանանյան «Հեզբոլլահ» շարժման և Իսրայելի միջև բախումը, ԵՄ դիվանագիտության ծառայության ղեկավարի պաշտոնում Ժոզեպ Բորելի փոխարեն Կայա Կալլասի ընտրությունը, ինչպես նաև Արևմուտքի և Արևելքի երկրների կողմից սպառազինությունների լայնածավալ գնումները վկայում են մեծ պատերազմի նախապատրաստվելու մասին։ Նրա խոսքը մեջբերում է ՌԻԱ «Նովոստի»-ն։

Վուչիչի համոզմամբ՝ «Հեզբոլլահ»-ի և Իսրայելի միջև հակամարտությունից խուսափելը գրեթե անհնար է, և իրադարձությունների նման զարգացումը կհանգեցնի արևմտյան և արևելյան երկրների ներգրավմանը ռազմական հակամարտությանը։

«Այստեղ մեծ փիլիսոփայություն չկա, դրանք պարզ, հստակ, միանշանակ բաներ են։ Եվ երբ խոսում ենք այն մասին, թե ինչ է կատարվում Եվրոպայում, մենք ստանում ենք Եվրահանձնաժողով, որը նախորդ ակնհայտորեն հակառուսական դիրքորոշումից էլ ավելի արմատապես հակառուսական դիրքորոշում կունենա», – ասել է Սերբիայի նախագահը։

Նա իր կարծիքը բացատրել է այն փաստարկով, որ Կալլասի մուտքը ՌԴ արգելված է՝ պայմանավորված նրա հակառուսական դիրքորոշմամբ:

«Այսինքն՝ ընտրում են մարդու, որը չի կարողանա մուտք գործել Ռուսաստանի Դաշնության տարածք առաջիկա 4-5 տարին», – ասել է նա:

Այս առումով, ըստ նրա, Ռուսաստանը բոլոր առկա միջոցներով ու ուժերով կպայքարի մինչև վերջ։

Սերբիայի նախագահը հավելել է, որ հետախուզական ծառայություններից անհրաժեշտ տեղեկատվություն է ստանում այն մասին՝ «ով ինչպես է պատրաստվում և ինչ է կատարվում»։

Այս թեմայով Որ պահին աշխարհը համարեց Արցախի էջը շրջված, բացվելու է Սյունիքի էջը, մինչև լիակատար ոչնչացում․ քաղաքագետ Մեկնարկում է «Իմ Քայլը» հիմնադրամի Պատերազմի մասնակիցների մասնագիտական ներուժի բացահայտման ծրագիր Մենք ոչինչ չենք կարողացել այնպես անել, որ մեր հայրենիքը, մեր Արցախ աշխարհը հայերով շնչի. Սրբազան Իրանը հայտնել է «բնաջնջման պատերազմի» վտանգի մասին Ռազմարդյունաբերության կոմիտեի նախագահը կազատվի պաշտոնից. վարչապետը որոշում է ստորագրել Շարժումը հուլիսի 3-ին պատրաստվում է հանդիպման հրավիրել քաղաքական դաշտի բոլոր ուժերին Հայ գերիներին հայրենիք վերադարձնելու հարցն են քննարկել ԱԺ նախագահը և Լատվիայի Սեյմի խոսնակը «Հեզբոլլահ»-ի հետ լայնամասշտաբ պատերազմի դեպքում Իսրայելը նախատեսում է օգտագործել Starlink-ը. ԶԼՄ-ներ Բայրամովը Խովաևին հայտարարել է՝ խաղաղության պայմանագրի գործընթացում խոչընդոտ է ՀՀ սահմանադրությունը Ֆրանսիայում քաղաքացիական պատերազմի վտանգ կա. Մակրոն