ՀՀ մարզերում անվճար լողի պարապմունքներ կկազմակերպվեն. փորձնական ծրագիրը հաստատվել է
Հասարակություն![ՀՀ մարզերում անվճար լողի պարապմունքներ կկազմակերպվեն. փորձնական ծրագիրը հաստատվել է](/timthumb.php?src=disc/04-07-24/a5659f2a836aaa4d35ca8fdd2394afc2.jpg&w=780)
Կառավարությունն իր այսօրվա՝ հուլիսի 4-ի նիստում հաստատեց ՀՀ մարզերում դպրոցահասակ երեխաների առողջ ապրելակերպի խրախուսման փորձնական ծրագիրը:
Այս որոշումը պայմանավորված է մարզերի լողավազաններում դպրոցահասակ երեխաներին լողի անվճար ուսուցման հնարավորությամբ, լողալու հմտություններին տիրապետելու անհրաժեշտությամբ:
2024 և 2025 թվականներին փորձնական ծրագիրը նախատեսվում է իրականացնել ՀՀ-ում գործող լողավազաններից 9-ում՝ այդ թվում Կապանում և Էջմիածնում երկուական, մեկական Վանաձորում, Մեծամորում, Հրազդանում, Իջևանում և Ապարանում, հաջորդող տարիներին կիրականացվի նախարարության կողմից հայտարարված մրցութային դրամաշնորհի միջոցով, ինչպես նաև 2026 թվականից նախատեսվում է լողավազանների աճ:
Ըստ այդմ, յուրաքանչյուր տարի լողավազաններում լող մարզաձևով կզբաղվեն յուրաքանչյուր լողավազանում դպրոցահասակ երեխաների 2 տարիքային խումբ՝ 1-ին խմբում կընդգրկվեն 8-12 տարեկան երեխաները, 2-րդ խմբում՝ 13-17 տարեկանները: 1-ին խմբում պարապողների առավելագույն քանակը 12-ն է, իսկ 2-րդ խմբում՝ 10-ը: 1-ին և 2-րդ խմբերում պապապմունքնեը կանցկացվեն շաբաթական 3 օր՝ յուրաքանչյուր պապապմունքը 1 ժամ տևողությամբ: Ծրագիը կիրականացվի ուսումնական տարվա ընթացքում:
![](banners/armflix.jpg)