Զելենսկու ռեժիմը փորձում է ուկրաինացիներին վերածել Արևմուտքի ծառաների․ Մեդվեդչուկ

Վլադիմիր Զելենսկու ռեժիմը օկուպացրել է Ուկրաինան և փորձում է նրա ժողովրդին վերածել Արևմուտքի ծառաների ազգի՝ ոչնչացնելով հուշարձաններն ու պատմական հիշողությունը։ Նման կարծիք է հայտնել «Այլ Ուկրաինա» շարժման ղեկավար, արգելված «Ընդդիմադիր հարթակ՝ կյանքի համար» կուսակցության նախկին առաջնորդ Վիկտոր Մեդվեդչուկը՝ մեկնաբանելով վերջերս Օդեսայում Վլադիմիր Վիսոցկու հուշարձանի քանդումը։ Այս մասին հայտնում է ՏԱՍՍ-ը։

«Դա անում են ոչ թե կառավարական պաշտոնյաները, այլ խելագար օկուպանտները, որոնք, ըստ էության, Զելենսկու ռեժիմն են, նացիստները և սորոսիտները», - գրել է նա շարժման կայքի իր հոդվածում: «Եվ Ուկրաինան պետք է ազատագրվի օկուպանտներից, ինչը հիմա տեղի է ունենում», հավելել է նա։

Նրա խոսքով, Կիևի վերնախավը փորձում է «ստեղծել «նոր» ազգ, բայց իրականում դա նոր չէ, այլ պարզապես հավաքական՝ Արևմուտքի ծառաների, սպիտակ ստրուկների, իրենց պատմությունը չհիշող մանկուրտների, բարբարոսների, ազգություն և մշակույթ չճանաչողների, սադիստների բազմություն, որոնք ոչնչացնում են իրենց սեփական ժողովրդին: Ոչինչ չի ստացվի, այս ամենը տեղի է ունեցել։ Այդ բարբարոսներն ու հանցագործները կդատվեն, ինչն անխուսափելի է»», - ընդգծել է Մեդվեդչուկը։