Ուկրաինայում պատասխանել են Թաքեր Կարլսոնի՝ Զելենսկու հետ հարցազրույցի վերաբերյալ հայտարարությանը
Աշխարհ![Ուկրաինայում պատասխանել են Թաքեր Կարլսոնի՝ Զելենսկու հետ հարցազրույցի վերաբերյալ հայտարարությանը](/timthumb.php?src=disc/04-07-24/e1e20568344f4b920cf9197b174576e6.jpg&w=780)
Ուկրաինայի նախագահ Վոլոդիմիր Զելենսկին հարցազրույց չի տա Fox News հեռուստաընկերության նախկին հաղորդավար Թաքեր Կարլսոնին։ Այս մասին ասվում է Զելենսկու գրասենյակի տարածած հաղորդագրության մեջ։
«Պարոն Թաքեր Կարլսոնը պետք է ավելի ուշադիր ստուգի իր աղբյուրները ՌԴ ԱԴԾ-ում: Ուկրաինայի նախագահը միանգամայն այլ գրաֆիկ ունի, Թաքեր Կարլսոնը դրանում ներառված չէ»,- գրել է նախագահի մամուլի քարտուղար Սերգեյ Նիկիֆորովը։
Ավելի վաղ, ինչպես հայտնել ենք, Fox News հեռուստաընկերության նախկին հաղորդավար Թաքեր Կարլսոնը X սոցիալական ցանցում հայտնել է, որ հարցազրույց է ունենալու Ուկրաինայի նախագահ Վոլոդիմիր Զելենսկու հետ։
![](banners/armflix.jpg)