Գյումրիում ռուսական ճարտարապետությամբ շենքի կառուցումը մերժվել է. մշակվում է նոր նախագիծ

«Տաշիր գրուպ» ընկերության սեփականատեր, ռուսաստանաբանակ մեծահարուստ Սամվել Կարապետյանը ցանկություն է հայտնել Գյումրիում մինչև 7 հարկանի բազմաբնակարան շենք կառուցել։ Գյումրու քաղաքապետարանն, ամենայն հավանականությամբ, այս նպատակի համար տարածք կտրամադրի Գյումրու նախկին «հղկող հաստոցների գործարանի» հետնամասում։ Այս պահին քննարկվում է տվյալ տարածքը տրամադրելու հարցը։ Ի դեպ, այս մասում է գտնվում նաև Գյումրի բժշկական կենտրոնը, և էլիտար շենքը կկառուցվի հիվանդանոցից ոչ հեռու։
Այս մասին Aravot.am-ին տեղեկացրեց Գյումրու գլխավոր ճարտարապետ Հենրիկ Գասպարյանը՝ պատասխանելով այն հարցին, թե ի՞նչ նոր ներդրումներ կան քաղաքում։ Կառուցապատողը ներկայացրել է իր նախագիծը, շենքը ռուսական ճարտարապետության տարրեր է կրել, որը, սակայն, մերժվել է Գյումրու քաղաքային իշխանության կողմից։ Այն, ըստ ճարտարապետի, պետք է հարիր լինի Գյումրու ճարտարապետությանը, հետևաբար և նախագիծն ուղարկվել է վերամշակման։ Հենրիկ Գասպարյանը մեր զրույցում ասաց․ «Հայտեր ունենք բազմաբնակարան շենքեր կառուցելու, ուղղակի մի խնդիր կա, քանի որ մեր քաղաքում բարձրությունները սահմանափակված են՝ սեյսմիկ գոտի ենք, իսկ ներդրողներն ավելի շատ հակված են բարձրահարկ շենքեր կառուցելու, որովհետև դա բիզնես ծրագիր է, այդ ուղղությամբ ենք աշխատում։ Առանձնացնում ենք տարածքներ, որտեղ հնարավոր է, սեյսմիկ պայմանները թույլ են տալիս որոշակի բարձրությամբ, գոնե 5-6 հարկանի շենքերի կառուցում թույլատրելու»։

Նունե ԱՐԵՎՇՏԱՏՅԱՆ

Այս թեմայով Գյումրիում կտեղադրվի լեգենդար ծանրորդ Յուրի Վարդանյանի արձանը Արաբկիրի վարչական շրջանի ղեկավարի գործով անցնող պաշտպանյալիս կալանքի միջնորդությունը մերժվել է Շառլ Ազնավուրի 100-ամյակին նվիրված «Շառլ Ազնավուրի կինոաշխարհը» ցուցադրության բացումը Գյումրիում Ռուսական ինքնաթիռը մտել է Լիտվայի օդային տարածք. Լիտվան բողոքի նոտա է հղել ՌԴ-ին Տյումենում ծեծկռտուք է տեղի ունեցել «Ռուսական համայնքի» և սփյուռքի ներկայացուցիչների միջև. կրակոցներ են հնչել (տեսանյութ) ԱԳՆ շենքի դիմաց կատարված խուլիգանության դեպքի վարույթով ևս 2 անձի մասով նախաքննությունն ավարտվել է Կրակոցներ՝ Երևանի կենտրոնում. ոստիկանները հայտնաբերել են ատրճանակից կրակված 10-ից ավելի պարկուճներ. Shamshyan.com Գյումրիում 22-ամյա տղամարդ է ինքնասպան եղել Ռուսական զորքերն ազատագրել են Դոնեցկի մարզի Սպորնոե և Նովոալեքսանդրովկա բնակավայրերը Սուրեն Պապիկյանը՝ քավոր․ մեծ խնջույք Գյումրիում