35 միլիոն դրամով ՆԳՆ ոստիկանության զորքերի համար միկրոավտոբուսներով և ավտոբուսներով սպասարկման հերթական ծառայություններ են գնվել. 168.am

ՀՀ ներքին գործերի նախարարությունը 2024 թվականի կարիքների համար հրատապ մեկ անձ ընթացակարգով դարձյալ ձեռք է բերել ուղևորափոխադրող ավտոմեքենաների վարձակալություն` վարորդի հետ միասին։

Մատակարարը՝ ինչպես նախորդ 2 տասնյակից ավելի նմանատիպ գնումների դեպքում, «Էլիտբաս» ՍՊԸ-ն է։

Հունիսի 24-ին կնքված պայմանագրի գինը կազմել է 35 միլիոն դրամ։

Այս տարի արդեն ՍՊԸ-ի հետ ՆԳՆ-ն միլիոնավոր դրամների 4 պայմանագիր է կնքել, որոնցից 2-ը՝ գնանշման հարցում, մյուս 2-ը՝ հրատապ մեկ անձ գնման ընթացակարգերով։

35 միլիոն դրամ արժողությամբ վերջին պայմանագրով նախատեսվում է, որ «Էլիտբասը» ծառայությունները մատուցելու է ՆԳՆ Ոստիկանության հետևյալ զորամասերից՝ քաղաք Երևան, Բագրատունյաց 6-րդ նրբանցք, քաղաք Երևան, Դավթաշեն 2-րդ թաղամաս, քաղաք Երևան, Ծովակալ Իսակովի 25 և Արմավիրի մարզ ՀԱԷԿ-ի (Հայկական ատոմային էլեկտրակայան)։

Տեխնիկական բնութագրից էլ տեղեկանում ենք, որ ծառայության շրջանակում զորամասերին կսպասարկեն 15-20 տեղանոց 2 միկրոավտոբուս, 25-35 տեղանոց 2 ավտոբուս և ևս 2 ավտոբուս՝ 35-50 և ավելի տեղանոց։

168.am-ը «Էլիտբաս»-ՆԳՆ համագործակցությանն անդրադարձել էր նաև այն ժամանակ, երբ մայրաքաղաքում մեծ թափ էին ստացել ընդդեմ իշխանությունների անհնազանդության ակցիաները, իսկ փողոցներում ՆԳՆ-ին սպասարկող մեքենաների թվում հենց այդ ՍՊԸ-ի մեքենաներն էին։

Այս թեմայով Հայտնի է բոլորի համար ունիվերսալ մարզաձեւը Սա դժվար ընկալելի է հատկապես հայերիս համար․ իրանագետ Լարսը բաց է բոլոր տեսակի տրանսպորտային միջոցների համար Աստանան պատրաստ է հարթակ առաջարկել Ադրբեջանի և Հայաստանի միջև խաղաղ բանակցությունների համար․ Տոկաև Դшնակահարություն՝ Նոր Հաճնում. բժիշկները պայքարում են վիրավորի կյանքի համար ՀՀ ՆԳՆ ոստիկանության պետի հրամանով կադրային նշանակումներ են տեղի ունեցել Հսկայական դիմագիծ ունեցող Բյուրական գյուղն այսօր դարձել է Արագածոտնի հերթական գյուղերից մեկը. Օշականի բնակիչ (տեսանյութ) Ադրբեջանի յուրաքանչյուր հաջողություն Հայաստանի համար ստեղծում է մարտահրավերներ. Արա Պողոսյան Ամեն ինչ անում ենք մեր բնակիչների համար․ քաղաքի արտաքին լուսավորությունն ապահովող Հայկազ Սարգսյան Ղազախստանը պատրաստ է հարթակ առաջարկել Հայաստանի և Ադրբեջանի միջև խաղաղ բանակցությունների համար. Տոկաև