Ալիևին սա է մեր ուղերձը՝ հիմա խաղաղության ժամանակն է. Օ’Բրայեն

ԱՄՆ-ն փորձում է ապահովել, որ Կենտրոնական Ասիայից ապրանքների արտահանումն իրականացվի ոչ թե Ռուսաստանի ու Չինաստանի տարածքով, այլ այլընտրանքային ուղիներով, այդ թվում՝ Ադրբեջանով։ Այս մասին ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովում լսումների ժամանակ հայտարարել է Միացյալ Նահանգների պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենը, գրում է APA-ն։

Դիվանագետն այս թեմային անդրադարձել է իր՝ Բաքու կատարելիք այցի համատեքստում։

Օ՛Բրայենը նշել է, որ Կենտրոնական Ասիայի երկրներից համաշխարհային շուկաներ արտահանումն այժմ իրականացվում է միայն Չինաստանի և Ռուսաստանի տարածքով, և «խնդիրը լուծելու համար նրանք պետք է համագործակցեն Ադրբեջանի հետ»։

«Մի երթուղին անցնում է Վրաստանով դեպի Սև ծով, իսկ մյուսը՝ պոտենցիալ ավելի մեծը, կանցնի Ադրբեջանով, Հայաստանով և Թուրքիայով, և այդ պատճառով մեզ անհրաժեշտ է խաղաղ համաձայնագիր Ադրբեջանի և Հայաստանի միջև»,- պարզաբանել է դիվանագետը։

Օ՛Բրայենը հավելել է, որ այցի ընթացքում ինքը Ադրբեջանի նախագահ Իլհամ Ալիևին կփոխանցի, որ «եկել է խաղաղություն հաստատելու ժամանակը»։

Այս թեմայով Մակրոնը Փաշինյանի հետ զրույցում կոչ է արել հնարավորինս շուտ կնքել «խաղաղության համաձայնագիրը» Մակրոնը ողջունել է «Խաղաղության խաչմերուկ» նախագիծը Խաղաղության պայմանագրի բովանդակությունը հանրությունից չի թաքցվում․ ՀՀ ԱԳ փոխնախարար Սրբազանը գալիս է Հանրային, հիմա էլ եթերը բաց է․ Պետրոս Ղազարյան Երևանը խաղաղության պայմանագիրը ստորագրելու հարցում Բաքվի ձգտումը չի տեսնում. Միրզոյան