Ապագան կառուցվում է ամեն Աստծո օր. Միրզոյան

«Հրապարակը» գրում է.

ՀՀ ԱԳՆ նախաձեռնությամբ սեպտեմբերի 9-11-ն անցկացվելիք «Երևան երկխոսություն» համաժողովին ընդառաջ նախարար Միրզոյան Արարատը հանդես է եկել ուղերձով: Քննարկենք դրա դրույթները:

Խորհրդային Միության կազմաքանդումից հետո ձևավորված աշխարհն, այո, արագ փոխվում է: Բայց այն ոչ թե բազմակողմ էր՝ ինչպես նշված է ուղերձում, այլ միաբևեռ: Իսկ բազմակողմն ու միաբևեռը տարբեր հասկացություններ են, ու ոչ միայն տարբեր, այլև հակադիր: Եվ իրականում միաբևեռ աշխարհն իր տեղը սկսում է զիջել բազմակողմ աշխարհին: Եթե ասվածը չի ընկալվում ԱԳՆ-ի կողմից, ապա դա նշանակում է, որ «Երևան երկխոսություն» համաժողովը չի կարող ճիշտ ուղիներ նշել հընթացս ձևավորվող բազմակողմ կամ բազմաբևեռ աշխարհում Հայաստանի տեղի ու դերի որոշման առումով: Որովհետև սխալ ախտորոշման պատճառով ճիշտ բուժում լինել չի կարող: Ինչն, իր հերթին նշանակում է, որ համաժողովը կարելի է արդեն այսօր՝ դեռևս չսկսված, համարել անիմաստ ու ըստ այդմ՝ փակված: Բայց քանի որ պարոն Միրզոյանն իմ գրածներով չի առաջնորդվում՝ մենք էլ շարունակենք նրա ուղերձի քննարկումը:

Մի կերպ գոյություն քարշ տվող՝ «ժողովրդավարական» անվանյալ աշխարհակարգի նկատմամբ սպառանալիքներն արձանագրված ուղերձում տեղ է տրված նաև լավատեսական մոտեցմանը: Դա ձևակերպված է այսպես. «Ասիայի և Եվրոպայի միջև ավելի լավ փոխկապակցվածության և նոր ճանապարհների ապահովման փնտրտուք»: Ինչպես նաև նշվել է տեխնոլոգիական, թվային առաջընթացը: Այստեղ կրկին առկա է թերասացություն. խոսքը գնում է ոչ թե ողջ Ասիայի, այլ հիմնականում միայն Կենտրոնական Ասիայի մասին: Որովհետև Ասիայի ամենամեծ և հզոր պետությունը՝ Չինաստանը, պարոն Միրզոյանի հովանավորողների կողմից ոչ թե ներառվում, այլ դուրս է թողնվում համագործակցությն այդ ձևաչափից: Էլ չասած Ռուսաստանի մասին, որը հսկայական եվրասիական երկիր է:

Ինչևէ, Կենտրոնական Ասիայից գանք մեր տարածաշրջան կամ ավելի ճիշտ՝ մեր երկիրը: Դրա բնորոշիչ նիկոլական սահմանումը՝ «խաղաղության խաչմերուկը», ժամանակակից ռուսական առածի («Արդուկն էլ միացնես՝ դրա ձայնն է հանում») ոճով է: Եվ Հայաստանի այսօրն էլ, վաղվա պատկերն էլ, բնականաբար, ներկայացված է նույն նիկոլական ոճով: Ահա այն. «Մենք այս պահին պատմական հանգրվանում ենք՝ ավելի խաղաղ, ապահով և բարեկեցիկ ապագայի ճիշտ ընտրություն կատարելու, ճիշտ ճանապարհով ընթանալու իրական հնարավորությամբ»։ Իրականությունն այս դեպքում ևս ճիշտ հակառակն է. գործող իշխանության պարագայում ճիշտ ճանապարհով ընթանալու հնարավորությունը բացակայում է նույնիսկ տեսականորեն: Որովհետև այն թշնամու ստորացումներին արձագանք չտալն է, նրա բոլոր պահանջները կատարելը: Եթե դա է ճիշտ ճանապարհը, ապա դա մեր տան լույսը հանգցնելու և դրսի դուռը փակելու ժամանակն է:

Որպես ավարտ ներկայացնեմ ուղերձի վերջին նախադասությանը: Ահա այն. «Մենք սպասում ենք բոլորի ակտիվ մասնակցությանն ու ներդրումին՝ նպատակ ունենալով հասցեագրել մերօրյա հրատապ խնդիրները՝ «Ապագան կառուցելով այսօր»»: Եթե այն պատկաներ երիտասարդ լրագրողի գրչին, ապա խորհուրդ կտայի գտնել չակերտներում առնված կարգախոսի ճշգրիտ տեղը նախադասության մեջ: Իսկ եթե դա հնարավոր չլիներ, ապա կառաջարկեի դեն նետել այն, քանի որ դա բացմիցս օգտագործված և, չնայած դրան, իմաստազուրկ արտահայտություն է: Պարզ է, որ ապագան կառուցվում է ամեն Աստծո օր (կամ ամեն «այսօր»): 

Այս թեմայով Հայաստանում ամեն տարի մեկ տասնյակից ավելի երեխա ավտովթարի զոհ է դառնում Հուսանք՝ ամեն բան կգնա դրական զարգացման. Հովհաննիսյանը՝ մինչ COP29-ը խաղաղության պայմանագրի կնքման հավանականության մասին Մենք օր առաջ պատրաստ ենք ստորագրել խաղաղության համաձայնագիրը. Միրզոյան (տեսանյութ) Աստծո կամքով հանդիպեցի Ավոյին ու հասկացանք՝ սիրում ենք իրար. Նունե Եսայան (տեսանյութ) Գիժ լինելով` գժի տեղ են դրել բոլորիս, կորցնում ենք ամեն ինչ. Խաչիկ Մանուկյան (տեսանյութ) Սկսել ենք Թուրքիայի հետ երկխոսություն, արվել են բազմաթիվ փոքր կամ ավելի մեծ քայլեր․ Միրզոյան «Ես այդ մարդկանց, որոնք ստորագրել են Արցախի լուծարման փաստաթուղթը, ամեն ինչ արել են, որ Արցախը լուծարվի, չեմ կարող համարել վերնախավ». Ա. Հովհաննիսյան ՌԴ-ն կառուցողական դեր է խաղացել 2020 թվականին Ղարաբաղում զինադադարի հաստատման հարցում. Միրզոյան (տեսանյութ) «1 տարի 8 ամիսը «շակալադնի է», մնացածը թող ամեն մարդ իր դարդին լինի, չեմ էլ ուզում դատավորի մասին բան ասել». Առուշ Առուշանյան Գուցե չխուսափենք իրավիճակի վատթարացումից, միջազգային մեխանիզմները չեն գործում․ Արարատ Միրզոյան (տեսանյութ)