Ապագան Հայաստան-Իրան-Հնդկաստան ռազմավարական համագործակցության պլատֆորմինն է․ քաղաքագետ

Քաղաքագետ Արա Պողոսյանը գրում է. 

«Ապագան Հայաստան-Իրան-Հնդկաստան ռազմավարական համագործակցության պլատֆորմինն է։

Որպես տարածաշրջանային դաշինք, այն հնարավորություն կտա Հայաստանին երկարաժամկետ զարգացման և ռազմավարական պլանավորման։

Հայաստան-Իրան-Հնդկաստան եռանկյունին հնարավորություն է Հայաստանի համար դեպի տաք ջրեր ելքի, իսկ Հնդկաստանի և Իրանի համար` դեպի Սև ծով և Եվրոպա ելքի։

Մյուս կողմից խոսքը անշուշտ տնտեսական ասպեկտից բացի վերաբերվում է նաև անվտանգային կոնֆիգուրացիայի ձևավորմանը և Հարավային Կովկասում հակակշիռների մրցունակ մեխանիզմի ներդրմանը։

Հայաստանի համար ամենահուսալի անվտանգային մեխանիզմը թերևս տարածաշրջանում ամրապնդվելն է, ինչը հնարավոր չէ արտատարածաշրջանային դերակատարների միջոցով, քանզի նրանց շահերը տարածաշրջանի խաղացողների հետ հաճախ հակընդդեմ է, ինչը հղի է տարածաշրջանում նոր դիմակայության վտանգով, ինչպես նաև հարափոփոխ շահերի պարագայում` նաև տարածաշրջանում քաղաքականության փոփոխմամբ։

Ուստի շարունակում եմ պնդել, որ տարածաշրջանում նոր անվտանգային և քաղաքական կոնֆիգուրացիան նախ և առաջ պետք է կառուցել տարածաշրջանային պլատֆորմի միջոցով, որտեղ միակ հավանականն ու գործունը այս պահին մնում է Հայաստան-Իրան-Հնդկաստան պլատֆորմը, զուգահեռ` Վրաստան Հունաստան (և Կիպրոս) -Ֆրանսիա, որոնց ամբողջությունը միայն կապահովի Հայաստանի անկանգ զարգացումը»։

Այս թեմայով Կեղծ են ՀՀ իշխանության պնդումները, թե Ռուսաստանը մեզանից արտատարածքային միջանցք է ուզում․ քաղաքագետ Հայաստան, կլիմայական աղետներ (տեսանյութ) Ֆրանսիայի արտգործնախարարը կայցելի Հայաստան Քննարկվել է Հայաստան-Ֆրանսիա համագործակցության օրակարգային հարցեր Քննարկվել են ԿԳՄՍ բոլոր ուղղություններով Հայաստանի և Լատվիայի միջև համագործակցության հեռանկարները Ինչ պետք է իմանալ Հայաստան մուտք գործելիս. ՊԵԿ-ն իրազեկում է Սուրեն Պապիկյանն ու Չինաստանի պաշտպանության նախարարը քննարկել են համագործակցության հեռանկարները Քարոզիչներ են հայտնվել քաղաքագետ անվան տակ «Զանգեզուրի միջանցքի» զիջում են հիմնավորում Քննարկվել են Հայաստանի և Ֆրանսիայի ԱԳՆ-ների միջև համագործակցության նոր հնարավորությունները Հետաքրքիր փաստեր՝ Հյուսիսային Մակեդոնիա - Հայաստան հանդիպմանն ընդառաջ