Իրականում և Արմեն Սարգսյանը, և Վահագն Խաչատուրյանն իրենց դրել են վարունգի տեղ. իբր թե տեղյակ չեն այդ արձանագրություններից․ կոմֆորմիստներ». Բագրատյան

Հրանտ Բագրատյանը ֆեյսբուքյան իր էջում գրում է. «Երեկ չէ մյուս օրը ՌԴ ԱԳՆ ղեկավար Ս.Լավրովի և Մ.Զախարովայի հայտարարաությունները ցնցող էին։ Չգիտեմ՝ նկատել ու հասկացե՞լ եք դրանց իմաստը։ Ի՞նչ էին նրանք ասում։

Լավրովն ասում էր, որ Հայաստանը սաբոտաժում է իր իսկ ստորագրած փաստաթղթերը։ Զախարովան ավելի կոնկրետ էր, խոսքը 2023-ի հունիսի 2-ի արձանագրության մասին է։

Ըստ Զախարովայի, այդ արձանագրությամբ, որը նախաձեռնվել էր ՀՀ վարչապետի կողմից, կոնկրետացվել են 2020-ի նոյեմբերի 9-ի Հայտարարության 9-րդ կետի դրույթները։

Մասնավորապես, հայտարարությամբ նշված ՀՀ տարածքով Ադրբեջանի ու Նախիջևանի միջև նախատեսված անխափան ճանապարհը բոլոր դեպքերում պետք է գործի ՀՀ ինքիշխանության ու տարածքային ամբողջականության շրջանակներում։

Ճիշտ է, ՀՀ սահմանային ու մաքսային ծառայություններն անցնելուց հետո պետք է լինի ադրբեջանական բեռնատարների ռուսական սահմանապահների կողմից հսկողություն և ուղեկցում։ Սա եղել է, հիշեցնում եմ, 2023-ի հունիսի 2-ին։ Փաշինյանն արդեն Արցախը ճանաչել էր Ադրբեջանի կազմում, արդյունքում այն հայտնվել էր շրջափակման մեջ, Լաչինի միջանցքը փակ էր։ Թվում էր, թե հունիսի 2-ի այս արձանագրությունը հաջողություն է՝ 2020-ի նոյեմբերի 9-ի Հայտարարության 9-րդ կետի համեմատ։

Բայց այստեղ է թաղված շան գլուխը։

Ենթադրում եմ, որ Արևմուտքի ճնշման տակ Փաշինյանը ստիպված ջուրն է լցնում այս «հաջողությունը»։

Արևմուտքն ասում է. ոչ մի ռուս սահմանապահների հսկողություն չպիտի լինի։ Եվ որպեսզի Ադրբեջանին շահագրգռի իր նկրտումների նկատմամբ, ավելացնում է. ՀՀ տարածքով պետք է լինի միջանցք, միջին միջանցք։

Օ՛Բրայենը հայտարարում է, որ ԱՄՆ-ն երազում է այդ միջանցքի մասին։ Պարզ է, դրանով տարածաշրջանից դուրս կթողնվեն ՌԴ-ն և Իրանը։ Եվ Հայաստանն, իրոք, սաբոտաժի է ենթարկում 2023-ի հունիսի 2-ի արձանագրությամբ ստանձնած պարտավորությունները։

Ճանապարհը դառնում է միջանցք։

Ավելին, ՀՀ նախաձեռնությամբ սահմանազատման գործընթացից ՌԴ-ն դուրս է մղվում։ Մինչդեռ ռուսների մոտեցմամբ մեր ստանալիքն ավելին պետք է լիներ։

Հիմա մենք ի՞նչ գործ ունենք Արևմուտք-ՌԴ հակասության հետ։

Մենք ՀՀ անվտանգության ու ամբողջականության խնդի՞րն եք լուծում, թե» փորձում ենք հաճոյանալ Արևմուտքին։

Հ.Գ. Սրանով Փաշինյանի դավաճանական դիրքորոշումը չի վերանում։ Ո՞վ էր տեղյակ 2023-ի հունիսի 2-ի եռակողմ արձանագրությունից։ Իսկ 2022-ի հոկտեմբերի 31-ի Սոչիի արձանագրությո՞ւնը։ Իսկ 2021թ հունվարի՞նը։ Իսկ 2020թ դեկտեմբերի 18-ի՞նը։ Ո՞վ է տեսել դրանց տեքստը։

Ընդհանրապես քանի՞ նման թուղթ կա։ Սա ի՞նչ բան է։ Ն.Փաշինյանը թղթեր է ստորագրում առանց ՀՀ Նախագահին ու ԱԺ-ին ներկայացնելո՞ւ։ Չէ՞ որ դրանք վերաբերում են ՀՀ տարածքային ամբողջականությանը։ Սա դավաճանություն է։

Իսկ ՀՀ նախագահնե՞րը։ Սահմանադրությամբ նրանք են պետության գլուխը։ Իրականում և Ա.Սարգսյանը, և Վ.Խաչատուրյանն իրենց դրել են վարունգի տեղ. իբր թե տեղյակ չեն այդ արձանագրություններից։ Կոմֆորմիստներ։

Իսկ մի քանի, իբր թե արևմտամետ, դիզերտիրներ ձվեր են նետում բելառուսական դեսպանատան ուղղությամբ։ Տղա՞ եք, ձու ունե՞ք, դրանք նետեք Փաշինյանի կառավարության ուղղությամբ»։

Այս թեմայով Ներկա իշխանությունները չեն հանդուրժում մարդկանց, ովքեր չեն կիսում իրենց տեսակետը Վահագն Աֆյանը՝ Բանգլադեշում և Նեպալում ՀՀ դեսպան Գիժ լինելով` գժի տեղ են դրել բոլորիս, կորցնում ենք ամեն ինչ. Խաչիկ Մանուկյան (տեսանյութ) Արցախցի երեխաներին ուղարկում են Գուրգեն Մարգարյանին կացնահարած Ռամիլ Սաֆարովին Ադրբեջանին նվիրած երկիր. Քոչարյան Պարոն Բագրատյան, Ձեզ ո՞վ բան ասեց․ ինձ մի պատասխանեք․ Սիմոնյան (տեսանյութ) Արմեն Աշոտյանին ոստիկանական մեքենայով տարան տուն (տեսանյութ) ՈւՂԻՂ. Արմեն Աշոտյանը դուրս է գալիս «Նուբարաշեն» ՔԿՀ-ից. կմնա տնային կալանքի տակ Ես ահավոր ուրախացա Արմեն Աշոտյանի տղաների համար, աշխարհը այսօրվանից իրանցն ա․ Տիգրան Քոչարյան Արմեն Աշոտյանը Նուբարաշենի բանտից վաղը կտեղափոխվի տնային կալանքի Քաղբանտարկյալ Արմեն Աշոտյանը շարունակում է ապացուցել իրեն առաջադրված մեղադրանքի փաստացի չգոյությունը․ Զաքարյան